يومـــــــــــــيــــات عـــــاطــــــــــــــــل

يــوّمـــيّـــآت ...عـــآطـــل




اولآ .. قد تكون هذه القصه .. خياليه .. وقد تكون حقيقيه .. ولكن الأكيد .. انها بقلم إحساس

ثانيآ .. القصه تتكون من أجزاء كثيره ..اتمنى ان تستمتعوا .. بما سيجول بداخلها

ثالثا..سأسرد القصه باللهجه العاميه ..لكي يكون لها واقع اقرب لنفوسكم


.................................................. .................................................. .........................


هو انسان مثلي ومثلك ومثل اي واحد ولكن يختلف عنا بأشياء اولها ( عدم العمل )


راح ابدى كلامي عنه .. من يوم تخرجه من الثانويه العامه ..بمعدل 78% من السنه

الثانيه

درس ثالث ثانوي سنتين .. لاهو غباء .. ولا إهمال .. ولكن ظروف عائليه قاسيه

ابوه موظف .. يكبره اثنين من اخوانه برى المنطقه للدراسه ..يعتبر اكبر اخوانه في البيت

ابوه مسلمه الخيط والمخيط ..او بالأصح محمله المسؤليه من مقاضي من زيارات

من اهتمامه بأخوانه االصغار .. مزارع .. مواعيد المستشفيات ..ومع هذا كله .. اهتمامه

بدراسته ..اللي طبعا آخر سنه ..

المهم _أخذ شهادته .. ومن جامعه الى جامعه ..ومن كليه الى الثانيه ..ومن معهد الى

الثاني ..لكن ( اللي مايكتبه الله صعب )

الله ماكتب للإنسان هذا شيء رجع لديرته .. وسجل في التقنيه .. اللي في نفس

منطقته

الله وفقه .. وقبلوه ..اختار تخصص جدا صعب وجدا حلو في نفس الوقت ..

( هندسة حاسب آلي )

درس لمدة سنه ونص .. المستوى الأول جاب معدل جدا زين .. المستوى الثاني

نقص المعدل ..المستوى الثالث ماداوم نهائيا

كان اذا طلع سأله ابوه وين رايح قال للكليه .. من وين جاي قال من الكليه

(هذا بالمستوى الثالث ..كان يكذب على ابوه .. ليش وش صاير ماحد يدري ..؟)

الكل مستغرب وضع الولد وش فيه ..

زملائه ..يسألونه وش فيك ..ليش ماتداوم .. صار عليك حرمان .. صار عليك انذار

الولد مقهور .. بس مايقدر يتكلم ..

ابوه وامه واخوانه .. متغير عليهم الوضع .. بس مو بالحيل ..

وش السبب ..؟


تعرفون السبب .. بعد ماشوف ردة فعلكم وردودكم على هالاسطر القليله...


/
/
/
/

الجزء الثاني



الكل يسأل ..زملائه ..أهله .. اقاربه .. مدرسينه ..ماحد يدري وش العله بالظبط

وده يتكلم .. بس يخاف ماحد يصدقه /

الولد كان اذا داوم ووصل الى باب الكليه .. تضيق انفاسه وينكتم

جرب اكثر من مره .. نفس الشيء يتضايق وينكتم نفسه ..ماعرف وش السبب

راح الولد لشيخ .. وقال له عن كل شيء صاير معه

قال الشيخ هذا حسد او عين / ولا راح يروح الشيء هذا منك الا اذا عرفنا الشخص

اللي حسدك او عطاك عين /

الولد وسيم جدآ ولكن مو لدرجة الجمال الخيالي .. وسيارته متواضعه

ودرجاته كانت اول ترم ممتازه

المهم / رجع يوم من الايام للبيت راجع من الكليه اللي يقول انه يداوم فيها

جلس مع ابوه

الأب / كيف الدراسه يافهد

فهد / ابشرك يايبه تمام

الاب / كذاب ياوليدي .. وصلتني اخبارك ورحت للكليه وحصلتك تكذب علي

فهد / يايبه ماكذب عليك انا اداوم من قال هالكلام

الاب / انا رحت للكليه وسألت عنك مدير شؤون الطلاب .. وقال لي انك تجي تسحب

ملفك قبل يفصلونك فصل نهائي.. علشان يكون عندك فرصه ثانيه تسجل في

اي جامعه او كليه ثانيه


فهد / بدون تعليق / بدون مايذكر اي سبب تركه للدراسه


فهد راح اليوم الثاني وسحب ملفه وغادر الكليه وعلامات الاستفهام مرسومه

على محيى جميع الطلاب والمدرسين ...؟

خبر فصل فهد من الكليه قوبل بعدم الرضى من كل اللي حوله وهذا شيء طبيعي

وكانوا قاسين عليه جدآ ومن حقهم هذا الشيء لان فهد من اساس الموضوع مابرر وش

سبب تركه للدراسه

فهد كان خايف يقول وش فيه بس خايف ماحد يصدقه ويزيد الطين بله

ولكن هالمره طلع من صمته وقرر يتكلم بس مو مع اهله قرر يقول اللي بخاطره لخالته

وهي احب وألطف وحده بالنسبه له

وفعلا راح لخالته وقال لها باللي صاير معه .. الخاله صدقته ووقفت معه ولكن ماكان بيدها

شيء تسويه له/

فهد واجه موجه عاليه وقاسيه من العتاب والحقران زياده فوق اللي فيه

فهد اصيب بحاله نفسيه من الوضع اللي عايش فيه ومن تعامل الناس معه

ولكن فهد هالمره قرر إثبات نفسه بأي شكل من الأشكال لجل ترجع مكانته وقيمته

عند الجميع مثل الأول ....وش قرر فهد عليه هالمره تشوفونه في الجزء الثالث



/
/
/

قرر فهد يسافر ...!!

قال لأهله انه بيسافر يدور له على وظيفه .. او دراسه او اي شيء

اول محطاته الرياض / كل يوم في شركه .. مؤسسه...دائره حكوميه

الين الله فتحها بوجهه وكتب له وظيفه ../في شركه للعطور ( محاسب )

بعد اسبوعين بس من استلامه للعمل وش صار .....؟


داوم فهد الساعه الثامنه وخمس دقائق / دخل يبي يوقع على دفتر الحضور

ناداه المدير / فهد ليش متأخر .. ؟ قال فهد والله ياطويل العمر تعرف ماعندي سياره

وماغير في هالتكاسي / وتعرف الزحمه بالرياض وبعدين ماتأخرت الا خمس دقائق

المدير / انت اصلا ماتصلح تشتغل هنا مكانك بالشارع تنظف مع عمال البلديه ...!؟

نفسية فهد / واسلوب المدير/ كانت من اكبر الاسباب لفهد انه يضرب المدير

فهد قام وضرب المدير الين علمه ان الله حق ....!

انسجن فهد لمدة اسبوعين .. وطلع بالكفاله من احد جماعته اللي موجودين بالرياض

وفي نفس الوقت اهله مايعرفون اي شيء عنه .....!

رجع فهد للحاله الأولى والبحث عن وظيفه / وقعد مسكين كل يوم يدوور

يوم في شركه ويوم في مؤسسه ويوم في دائره حكوميه .../ حتى عجز من الرياض

ومشى الى الشرقيه

فهد كان راضي بأي شغله أهم شيء يثبت نفسه //

دور فهد على وظيفه بالمنطقه الشرقيه وفعلا لقى وظيفه ( موظف استقبال )

راتبها 1500 ريال

750 كانت للسكن اللي يتكون من ( غرفه ومطبخ ودورة مياه )

150 كانت للمغسله

150 تقريبا كانت للأكل والشرب

200 تقريبآ للمواصلات

باقي من الراتب 250 ريال بس يمشي فيها حاله الى آخر الشهر او الى راتب الشهر

الثاني

250 ريال / تكفيه لمدة عشرين يوم معقول ....؟

استمر بوظيفته هذي تقريبا ثلاث اشهر / جى مديره وقال / اقضب الباب

طبعا مو قصور .. او مضاربه ..لا / لأن الوظيفه هذي مؤقته لمدة الصيف فقط


رجع فهد / للبحث عن وظيفه من جديد

طلع من السكن حقه ..وسكن عند واحد من اصدقائه او زملائه ..زملاء الدراسه بالثانوي

صديقه هذا توسط له بوظيفة مندوب مبيعات في احد البنوك / البنك اشترط عليه

توفر سياره / طبعا مامعه سياره ولكن اظطر انه يكذب عليهم

وكان هدفه يستأجر سياره يمشي اوضاعه فيها

ولاعدى اسبوع الا ومقضبينه الباب / لأنهم اكتشفوا انه لايملك سياره

ماقدر يستأجر ولاكان يملك حيله الا انه يكذب لجل الوظيفه

رجع فهد من جديد للبحث عن وظيفه

وفي يوم من الأيام طلع فهد مع زميله او صديقه هذا للبحث عن وظيفه لفهد ومعهم

شخص ثالث من اللي ساكنين معهم بالشقه

الساعه 8:30 ص على الخط السريع طريق الدمام الخبر مقابل الإسكان

.....؟

وش صار ....؟



تعرفونه بالجزء الرابع ....!

قدر الله وماشاء فعل

صار عليهم حادث ويقعد فهد في المستشفى شهر
ماحد يدري عنه الا صديقه والاشخاص اللي معهم بالشقه
طلع بعدها فهد من المستشفى ورجع من جديد للبحث عن وظيفه
بدوون ملل ولا يأس لانه صار تحدي بينه وبين نفسه
وبين اهله كذلك
طبعا ساكن عند صديقه مثل ماعرفنا لكن الاكل والشرب وغسيل الملابس يعقل كل هذي راح يقوم فيها بدون اي مدخول عنده
معقول راح يخلي صديقه يقوم بكل شيء عنه من مصاريف وآجار وغسيل ملابس واكل وشرب طبعا لا
من وين له فلووس اذا راح نقول اهله (اهله مقاطعينه للأسباب اللي ذكرناها )
الشخص اللي طلعه من السجن بالكفاله من جماعته هو الشخص اللي كان يرسل له 500 ريال شهريا
وفهد المسكين كان يتظاهر قدام الشباب انه مع اهله سمن على عسل وانه يكلمهم ومتواصل معهم
وكل يوم يزيد الحمل على فهد بدأً بالوظيفه الى الوظيفه والفصل منها الى السجن الى السياره الى السكن
الى الحادث كل هذي كوم واللي راح يصير له كوم ثاني
فيه شخص من اللي ساكنين معهم بالشقه فقد فلووسه وفقد جواله (تلقائيا من المتهم الاول فهد )لانه الغريب الوحيد بينهم
طبعا طلع الكلام فهد فهد فهد كلهم اتهموا فهد بالسرقه الا صديقه ماصدق لانه يعرف فهد زين ووقف معه ولكن الصديق مايملك شيء
لان المسروق من جماعته والمتهم صديقه
فهد ضاقت عليه الوسيعه من اللي قاعد يسمعه منهم وقاعد يشوف صديقه مايقدر يقوول شيء رغم معرفته التامه فيه
قرر فهد يطلع من عندهم ( ولكن وين يروح عند من يجلس من وين له فلوس ..؟) تكلم معه صديقه وقال اجلس معنا
وهذا مجرد كلام ولاعليك فيهم مادام انا واثق فيك فهد رفض الكلام هذا كله ورفض يكون مهان لدرجة يشكون في امانته
لو يروح ينام في الشارع
فيه شخص كان ساكن معهم قبل المشكله وطلع وسكن مع عيال عمه اتجه له فهد وقال له السالفه كلها ورحبوا فيه وصدقووه
وخلوه يسكن معهم

نرجع لموضوع الوظيفه
الكل يحاول يساعده ولكن مافيه اي نتيجه الهموم كل يوم تزيد على فهد
الاهل الوظيفه السكن مع ناس متعاطفه معه ( يبي لو يقدر يرد الجميل لهم ) سمعته اللي بدت تتوسخ بتهمة السرقه

طلع فهد آخر الليل للسوبر ماركت يبي يشتري له اكل او اي شيء وفجأه الا السياره اللي طالع صوتها والبريك طلع فهد من السوبر ماركت
الا يناظر السياره طالعه على الرصيف وينزل منها واحد ويتجه الى شنطة السياره وياخذ منها علبة ماء أخذ نفسه فهد وراح يفزع لهم
اقترب فهد من السياره الا يشوف ثلاث حريم بالسياره رجع شووي وراه وراح للرجال يبي يكلمه يشوف وش صار فيهم لانه واظح من شكلهم
ماصار فيهم شيء قال سلامات ياخوي الحمد لله على السلامه
فهد يسمع الحريم يصارخون بالسياره وصوتهم طالع وقاعد يشوفهم يأشرون له بس مايدري وش يقصدوون
قال الرجال لفهد خير وش تبي انت / قال ابد سلامتك شفتكم وحبيت اقدم مساعده لا أكثر وحبيت اتطمن عليكم والا افزع لكم بشيء
او اكلم الاسعاف هذي كل السالفه
مامدى فهد يخلص كلامه الا الضرب في كل مكان في جسمه من الشخص هذا يكسر له ايده واحد ضلوعه ............!؟


بالرغم من حضور ناس وتجمهر الا ان فهد اغمى عليه وجات الدوريات الامنيه والاسعاف
فهد بالمستشفى والشخص هذا بالسجن وبعد التحقيق معه طلع مخمور
دخل فهد للمستشفى وقعد فيه قرابة الشهر
استمر التحقيق واستمرت الوساطات على فهد بأن يتنازل عن حقه الخاص وفعلا تنازل فهد رأفه بحال الحريم اللي كانوا معه
وقرر فهد من بعد هذا الموقف انه مايقدم اي مساعده لأي شخص مهما كان الا لشخص يتحتم عليه الموقف مساعدته

( وش بقى يافهد ماصار عليك ..الله يوفقك )

رجع فهد من جديد يبحث عن الوظيفه كل يوم في شركه ويوم في مؤسسه ويوم مصنع ويوم دائره حكوميه ولكن قدرت الرحمن اقوى
لم يكتب له شيء

طبعا فهد بالعاده فاليل ماينام من كثر التفكير والهم المهم طلع فهد عند باب الشقه يفكر ويطالع الناس اللي رايح واللي جاي

والهم ياكل فيه اكل / في جيبه خمسه ريال قال خلني اروح آخذ لي شيء من السوبر ماركت آكله فعلآ راح للسوبر ماركت

وأخذ له عصير وقطعة فطيره / وهو يدور على العصير شاف حرمه ومعها شغاله وولد صغير بأيد الشغاله ماعطاهم بال
وراح يحاسب وهو يطلع فلوسه عند المحاسب الا شخص يدقه من ورى ويناديه

من راح يكون هذا الشخص اللي يناديه ... راح نعرفه في الجزء الخامس

بابا .. بابا

التفت فهد الا بالشغاله اللي كانت مع الحرمه / قال نعم

قالت / ماما إبغى انتى ...ترك اغراضه عند المحاسب وراح يشوف وش تبي هذي

قال للحرمه / هلا آمري .. قالت تقدر تتصل علي أبيك ضروري .. قال فهد مامعي جوال

قالت / جوال احد يقرب لك اقدر احصلك عنده وانا بدق عليك ابيك ضروري

قال / ماحفظ ارقامهم ...قالت / بكيفك هذا رقمي اذا تبي تتصل اتصل واذا ماتبي بكيفك

رجع فهد للمحاسب وأخذ أغراضه وطلع ..وقعد فهد يفكر اليوم الأول واليوم الثاني اليوم الثالث اليوم الرابع

أخيرا قرر فهد يدق عليها / قال خلني اشوف وش تبي هذي حرمه وعليها ولد ومعها شغاله وسواق وش تبي فيني

فعلا راح فهد لأقرب كبينه واتصل عليها ردت عليه ...

فهد / السلام عليكم

هي / عليكم السلام .. من معي ..؟

فهد / معك فهد اللي قابلتيه في السوبر ماركت

هي / هلا وغلا وترحيب غير طبيعي

فهد / آمري هذا أنا دقيت

هي / انت نادم على اتصالك

فهد / بالعكس بس حبيت اعرف وش اللي تبيه وحده في جمالك ودلالك وتقريبا عندها خير بواحد يالله يلقى لقمه ياكلها

هي / خلاص ماطول عليك اليوم في الليل تقابلني في نفس المكان الساعه 9 في الليل

فهد / اوكيه ..وده يعرف وش تبي منه هذي

طبعا فهد مامعه مايغسل ملابسه ولا معه فلوس يروح يحلق عند الحلاق / قال وش علي فيها بقابلها بشكلي هذا

فعلا جات على الموعد وفي نفس المكان ..

هي / ممكن تركب معي بالسياره وراح تعرف كل شيء وراح اقولك باللي تبي تعرفه

فهد / يابنت الناس مخططه على شيء علميني من الحين وتراني مالي خلق بالمشاكل اللي فيني مكفيني

هي / لا والله مابغى منك الا كل خير .. بس انت اركب وراح تعرف كل شيء

فهد / ركب السياره ولكن حاس بخوف من تواليها .. وطلعوا مع السواق

وهاتك يالأسئله من وين وكم عمرك وكيف امورك وكيف اوضاعك ولاضابط بالمباحث

واستغرقوا تقريبا ربع ساعه الا واصلين فله وش كبرها

قالت للسواق إسلام إنزل خلاص .. نزل السواق قالت لفهد اركب قدام وسوق السياره

قال فهد ليش / قالت اركب وراح تعرف ولاتخاف نزلت هي بعد وركبت جنبه قدام



وش صــآر بعدها ..نشـوفــه في الجزء السادس

قالت له اطلع للمطعم الفلاني ..


راحوا للمطعم قسم العوائل طلبوا اللي يبون وتعشوا هالعشاء اللي مايحلم فيه فهد

طلعوا من المطعم وقالت رووح لأي حلاق تشوفه زين .. قالت انزل الحين واحلق واذا خلصت ارجع انا بقعد هنا بأنتظارك

فعلا حلق فهد ورجع قالت الحين اقرب محل للملابس الرجاليه / قالت انزل وخذ لك اللي تبي من الملابس والغتر والأشمغه

بعدها راحوا لخياط ملابس رجاليه / قالت انزل فصل لك اربع ثياب واختار اللي تبي وتعال

خلصوا من كل شيء طبعا كل هاللي صار على حسابها / قالت فهد الحين اطلع للكورنيش بالخبر

فعلا راحوا على الكورنيش ونزلوا واجلسوا على البحر / كل اللي صار هذا كله وفهد ماكلف نفسه يرفض او يتكلم

او يعتذر او يقول ليش او اي شيء ..

تكلمت وقالت انا بسألك سؤال .. قال انا اللي بسأل مو انتي واسمعيني للآخر .. قالت تفضل

فهد / قلتي اتصل واتصلت قلتي اقابلك وقابلتك قلتي اسوق وسقت قلتي اتعشى معك وانا مابيني ولا بينك اي صلة قرابه

وتعشيت معك واكلت معك من صحن واحد قلتي احلق وحلقت قلتي افصل ملابس وقلتي اشتري ملابس وكل هذا كله

من جيبك وانا ماأملك ريال واحد وفي الاخير تقولين نجي هنا على البحر مثلنا مثل اي زوجين او حبيبين وآخر الليل

ولا بيني وبينك اي روابط ليش كل هذا / وش شايفه فيني او بالاصح وش تبين مني من الآخر

هي / مابي منك شيء بس انا أُعجبت فيك

فهد / بقولك على شغلات ابيك تفهمينها ..قال انا انسان عادي جدا وبسيط جدا آكل واشرب والبس على قد حالي

اهلي ماعرف عنهم شيء من اربع سنين وظيفه ماعندي ريال واحد ماأملك يعني انا بالنسبه لنظرتكم ( ولا شيء )

يعني بالعربي على على قد حالي ولكن صدقيني اني املك شيء قليل يمتلكه اللي هو عزة النفس والكرامه والحمد لله

ولد ناس ولا ارضى بالمهانه مهما كان ولا ارضى اكون شحاث ولا ارضى امد ايدي لاحد ولا ارضى احد يمد يد العون لي

بالذات من حرمه

ابي آكل من عرق جبيني وابي البس من تعبي انا وكل هذا اللي قلته ابي اضيف عليه شغله وحده بس ترى كل اللي سويتيه

اليوم معي اللي قبلناه وانتهينا منه واللي باقي مرفوض رفض تام

والشيء اللي محيرني وذابحني من كم يوم وش اللي تبينه مني ومن انتي اصلا ..؟ وش معنى انا من الناس هذولا كلهم ..؟


هي / اول شيء ابيك تتأكد مو انا اللي اخترتك اللي اختارك رب العالمين وخلاني ارتاح لك واحاول اعرف اسرارك

وأعجب فيك ثاني شيء مابي منك الا شيء واحد / قال فهد اللي هو..؟

هي / ابي قلبك بس ..! ثالث شيء انا اسمي عبير فلان آل فلان ( عائله مرموقه في المجتمع السعودي )

واللي سويته لك مو صدقه ولا رأفه بحالك وانت ماشحثت ولا مديت ايدك لي ولا لأحد انا قاعده اسوي كل هذا من نفسي

وكل هذا شيء بسيط من اللي راح اسويه لك بعدين اذا قبلت فيني واعتبرتني اللي تبي ( امك / اختك / صديقتك / حبيبتك )

الي تبي اهم شيء بالنسبه لي تكون قريب مني وحطني بالمقام اللي تشوفه يناسبني ويناسبك ونكون مع بعض صحيح انا عندي من الخير

الشيء الكثير والخدم والحشم والبيوت والفلوس والاسهم والشركات والتجاره ولكن ناقصني شيء واحد بس ...؟!

مالقيت احد يحبني او يهتم فيني ...قاطعها فهد / قال انتي تبين تلعبين علي بكلامك هذا معقول مالقيتي احد يحبك ولا يهتم فيك

تبين توهميني انك محتاجتني وانك فعلا مالقيتي احد بعدين بسألك وش مخليك واثقه فيني اني بسعدك واهتم فيك واحبك

هي / قلت لك يافهد مو انا اللي اخترتك وربي هذا شيء من الله الله اللي سخرك لي والقدره هي اللي خلتني اجي من الخبر

الى الدمام واوقف عند هذاك السوبر ماركت واتقضى منه طلبتك يافهد افهمني وابي اطلب منك طلب ..؟

فهد / اللي هو...؟



راح نشوف وش طلبها في الجزء السابع

هي / ابيك تقبل باللي عطيتك اليوم واللي راح اعطيك وبعدها بخليك تفكر على راحتك وانت متى قررت تستمر معي او تتركني

رد لي خبر

فهد / آسف الى هنا الكلام يوقف وكل واحد منا يروح في حال سبيله

هي / حلفتك بالله .. وتكفى يافهد ماتردني ...؟

فهد / نط من مكانه يابنت الناس لاتقولين تكفى وش تبين بالظبط ..؟

هي / قالت ابيك تلبي طلبي وتقبل باللي عطيتك واللي بعطيك ...!

فهد / اللي عطيتيني وعرفناه وش عاد باقي تبين تعطيني ..؟

هي / السياره والجوال هذا بشريحته ولا لك شغل لا بنزين ولا فاتوره ...

فهد / عصب فهد .. مو علشاني قبلت في الاولى ابقبل بالثانيه ترى ماني سواق عندك ولا شغاله

انا انسان حر وراح ابقى حر طول عمري ولا انتي ولا غيرك يقدر يحكمني او يملكني او يسيطر علي بفلوسه

قام فهد من عندها معصب

هي / عرفت بنخوة فهد ورجولته / ومسكته مع ايده اللي تعوره .. قالت تكفى يافهد اقل شيء وصلني لبيتي

وفعلا رجع فهد ووصلها .. وهم راجعين في الطريق قالت فهد لاتردني خلاص خذ السياره هذي والشريحه

وخلاص رح في حال سبيلك وانا من باكر بسجل السياره بأسمك وبعدها بكيفك انت قرر اللي تبيه

حطها فهد عند فلتها .. ورجع لشقته بالسياره ( لكزس ) والجوال جديد والفاتوره عامه والرقم مميز

رجع للشقه .. سألوه اصدقائه من وين لك هذا قال هذي لخالي لانه مسافر برى المملكه

وقعد فهد اسبوعين مايطلع من الشقه ولاحرك السياره من مكانها ولا يتصل من الجوال ولا يرد نهائيآ


جى اليوم اللي انفجر فهد وقرر يتكلم راح لواحد من اللي ساكنين معه بالشقه يمون عليه وقال له عن كل شيء عن
السالفه كلها

من طق طق

للسلام عليكم اسم صديقه مشعل

مشعل / اقول فهد انت تبي تلعب علينا العب غيرها

فهد / مسك بيد مشعل ونزله معه للسياره قال اقرى الاستماره منو بإسمه

مشعل / قرأ الإستماره فعلا طلع اسمها عبير استغرب ورجعوا للشقه

مشعل / ليش قلت لي انا بالذات يافهد من الشباب كلهم

فهد / ياخي انت اكبر مني وافهم مني وامون عليك اكثر من غيرك وابي الموضوع مايطلع لأحد

وابيك تجيب لي حل وانا بنفذه بالحرف الواحد

مشعل / اكيد بتسمع كلامي

فهد / اكيد بنفذه حرف حرف

مشعل / اجل اسمع .... رح للحرمه وخلك معها .. ياخي وش تبي اكثر

فلووس / سياره / جوال / هذا غير انها راح تلبي اي طلب تطلبه اذا كانت صادقه في كلامها لك

واللي اتضح لي من كلامك انها متعلقه فيك

فهد / ايه هذا كلامها لي وهذا اللي انا حاسه بس ياخي مستحيل اروح لها لو ادري اموت من الجووع

مشعل / بكيفك انا قلت لك الحل اللي اشووف انه يناسب وضعك

مشعل .. استغفل فهد وأخذ جواله .. واخذ رقم عبير من غير مايدري ورجع الجوال مكانه

وراح واتصل عليها من وراه وقالها

مشعل / السلام عليكم .. انا مشعل صديق فهد ممكن تسمعيني دقايق بس

عبير / هلا اخوي وش فيه فهد لايكون صاير له شيء

مشعل / فال الله ولا فالك تطمني مافيه شيء

عبير / اجل وش سالفه

مشعل / فهد جاني وقال لي عن كل شيء صار بينكم وانا حاس انه بدى يميل يمك بس ماني متأكد وشكله

وده يقولك بس مايقدر وانتي تعرفين فهد عزة نفسه وعناده ماراح تخليه يقولك

عبير / مستعجله .. خلاص مشكوور مع السلامه وقفلت الخط بوجه مشعل .. دقت على فهد

فهد / يدق جواله ... هلا عبير

عبير / فهد تجيني اليوم ضروري بالفله

فهد / ليه وش السالفه ..؟

عبير / فهد بدون اسئله موضوع ضروري واذا جيت عرفته

فهد / اوكيه .. راح فهد للعبير في فلتها

دخل فهد للفله .. قابل عبير جلسوا مع بعض

فهد / خير انشاء الله وش صاير وش الموضوع الضروري

عبير / حلفتك بالله تكون معي صادق وصريح تراك ذبحتني بسكوتك

فهد / وش تبيني اقولك

عبير / ابيك تقول لي وش قررت عليه .. تستمر معي والا بتروح

فهد / يفكر .. متردد .. ايه .. قصدي لا بروح ..

عبير / فهد تراني حلفتك بالله وش فيك

فهد / ايه خلاص بستمر معاك بس بشرروطي وبكيفي وبالوضع اللي ابيه

عبير / ياخي انا كلي فداك بس وافق انت وبس



نشوف وش شروط فهد في الجزء الثامن

فهد / اول شيء انا حر مالك اي تحكم فيني اروح اجي بكيفي

ماني زوجك ولا سواق عندك ولاني واحد من عيالك

عبير/ اوكيه خلاص اللي تبيه

فهد / قولي اللي تبين تقولينه

عبير / من يوم السبت تداوم في الشركه

فهد / وش راح يكون عملي

عبير / مدير الحسابات الماليه .. واذا ماتعرف اخليهم يعلمونك

الشيء الثاني عطني رخصة القياده حقتك او بطاقتك الشخصيه ..

فهد / ليه وش تبين قيها ..؟

عبير / بكره بسجل السياره بإسمك

فهد / انتي ماتخافين اني اسرق السياره والجوال ولاعاد تشوفين وجهي ..؟!

عبير / يكفيني الكلام اللي قلته قبل شووي


.. فهد عطى عبير بطاقته .. وتسجلت السياره بإسمه .. وصار يداوم في الشركه مدير للحسابات

الرصيد لايقل عن عشرين الف ريال (20000)ريال .. الجوال مايتدخل في فاتورته نهائيآ

مع مرور الأيام ومنح الثقه لفهد من قبل عبير .. وإعطاء فهد مالم يكن يحلم به من الطبيعي ان فهد راح

يحب عبير .. وعبير ماسوت هذا كله الا لأنها تحب فهد .. وكل شخص يمكن يكون محتاج للثاني

فهد صار شبه مسيطر على اوضاع الشركه / مثله مثل صاحب الشركه اللي هو طبعآ عبير

فهد .. مانسى كل شخص وقف معه في مشوار الحياه ولاتخلى عنهم

مشعل وأصدقائه اللي كان ساكن معهم بالشقه / غير شقتهم بشقه فاخره مدفوعة الإيجار مقدمآ

الشخص اللي كان يرسل لفهد مبلغ مالي كل شهر في السابق / لم ينساه فهد فعلآ قام برد المعروف

فهد رغم محبة الناس له سابقآ / لقد زاد من حبهم له .. بمد يد العون للمقربين لديه .. ومساعدت المحتاج



فهد ( وصله خبر من أحد اصدقائه بأن أهله موجودين في الشرقيه بعد إنقطاع لأربع سنوات )

فهد / اتصل على جوال والده .. وسأله عن موقعهم وفعلآ راح يستقبلهم ويشوفهم

لحظة لقاء ولهفه وشوق ../ عناق وأحضان من جميع افراد عائلته

بعد ان استردوا انفاسهم .. انهالت عليه الأسئله .. وش صار معك وش شغال فيه وش مسووي ..ووو الخ

فهد .. قال سالفته كامله لأهله ولا قدر يكذب في اي شيء او يخبي عليهم

اهله انبسطوا وفرحو له الا ابوووه ماكان مبسوط ولا مستانس ....!!

فهد / وش فيك يبه مانت مبسوط من وضعي ومن الحال الزين اللي انا فيه ..؟

الأب / بقولك شغله وحطها في بالكك زين ياولدي ..! اول شيء ماخبرت عيالي يصرفون عليهم بنات

الشيء الثاني اذا انت تبينا وشارينا تترك البنت هذي وتترك الشركه وتروح تشوف لك عمل غير العمل هذا

فهد تضايق وطلع من الشقه اللي ساكنين فيها اهله ..وقفل جواله .. ولاداوم لمدة ثلاث ايام

عبير .. بحكم انها مديرة الشركه وصلها خبر غياب فهد عن العمل واتصلت على جواله حصلته مقفل .. اتصلت على مشعل وسألته عن فهد

مشعل / هذا هو موجود له كم يوم ماياكل ولا يشرب ولاهو على بعضه ولاهو راضي يقول لنا وش فيه ..

عبير / عطه جوالك خله يكلمني ابيه

مشعل / فهد عبير تبيك على الجوال ..

فهد / مشعل ( معصب ) ياخي مابغى اكلم احد ولاني رايق لأحد فكني واللي يرحم والديك

عبير / سمعت الكلام .. خلاص مشعل مشكوور وقفلت الخط

عبير طلعت مع السواق وراحت عندهم بالشقه .. ارسلت السواق يدق عليهم باب الشقه .. دق السواق طلع عليه مشعل .. نعم / قال ( ماما ابغى فهد )

قال مشعل خلاص روح سياره

راح مشعل لفهد .. فهد عبير تحت عند الباب تبيك ..

فهد/ ياخي انا قايل ماني رايق لك لاحد .. رح لها وقول لها كل شيء يخصها راح يوصلها بكره

نزل مشعل .. وقال لعبير نفس الكلام اللي قاله فهد ..

عبير / بليز قول له اذا ماجاني ونزلي وربي بطلع له بالشقه وبضحي بسمعتي علشانه

مشعل .. بلغ فهد كلام عبير

فهد / ماعليك منها اتركها / قفل الباب ولاتفتح لها وقول لها لاعاد تجي هنا مره ثانيه

عبير راحت لأنها تعرف فهد زين وتعرف مزاجيته

بعد يومين .. راح فهد لعبير وقال لها كل السالفه ..

عبير / انا عندي حل ..

فهد / هاتيه واللي يرحم والديك

عبير / تزوجني ...!!! وابوك ماراح يقولك شيء بالعكس راح يفرح لك لما يدري ان عندك زوجه وبيت ..!!

فهد / انتي صاحيه والا مهبوله ..من وين القاها منك والا من اهلي والا من الدنيا اللي مافيها خير .. ترك عبير وراح




فهد .. راح يفكر في مصيره اللي تعلق في خيارين كلاهما مر .. أهله .. وعبير

أهله .. راس ماله بالحياه

عبير .. الإنسانه اللي أخذت بيده .. ووقفته على رجوله ..واللي معروفها في بطن فهد





نشوف وش قرر فهد ... في الجزء التاسع

عبير / تتصل على فهد .. فهد انا تعبت على هالحال وابيك تقرر الحين تبيني او لا
فهد / قفل الخط بوجه عبير

طلع فهد وسكن لوحده يبي يفكر على راحته ( استشار كل اللي حوليه )
البعض قال / أهلك راس مالك بالحياه لاتبيعهم لجل بنت
والبعض قال / خلك مع البنت ومصير اهلك يقتنعون بالواقع ويرضخون له

فهد / راح للشركه وقابل عبير وقال انا مسافر
عبير / فهد وين مسافر تعال كلمني رد علي
فهد / مطنش ... بعد ساعه يتصل على عبير
فهد / عبير لجل اريحك بشغله لاتفكرين اني راح اتزوجك واذا فكرتي انك راح
تجبريني لأن فضلك علي .. تأكدي لايمكن يصير هالكلام ومستعد اترك كل

اللي عطيتيني بس ماتزوجك
عبير / بصوت مخنوق .. فهد وش اللي يعيبني ..؟
فهد / والله ان اكثر الشباب يتمنونك كلمه منك ( جمال ومال وحشم وخدم ) وكل
شخص يتمنى هالشيء إلا أنا ..
عبير / تبكي .. فهد انت تحبني وانا احبك وش المانع
فهد / عندنا حسب عاداتنا وتقاليدنا الولد ماله الا بنت عمه او من جماعته
اذا تزوج من برى جماعته راح يتخلون عنه اهله وجماعته وانا خسرت أهلي علشانك
ولاني مستعد اخسر الباقين واخسر جماعتي
عبير / وانا وحبنا واللي بينا
فهد / راح اكون محافظ عليه بس زواج ماقدر .. وقفل الخط بوجه عبير

( سافر فهد الى ديرته واهله ) .. استقبلوه اهله ورحبوا فيـه .. وعبير ماتدري وينه
ابو فهد / الساعه المباركه اللي شفناك فيها ياولدي .. الحمد لله انك رجعت لعقلك وعرفت
مالك غير اهلك وجماعتك
فهد / اكيد يايبه هذي تربيتك وانت ماربيتي الا على طاعة الله وطاعة الوالدين
( فهد كل يوم فيت وكل يوم عند ناس ومن عزيمه الى الثانيه بمناسبة رجوعه لديرته بعد اربع سنوات )
مرت عشر أيام الكل فيها مبسوط برجعة فهد
فهد / يايبه انت وامي انا بسافر بكره واتمنى تكونون راضين علي
ابو فهد / وش اتفقنا عليه ..؟
فهد / وانا ماقلت شيء يايبه .. انتوا راس مالي بس وظيفتي ماقدر اتركها ولا اعتقد راح تحرمني رزقي
ابو فهد / بس بشرط ..؟
فهد / آمر يبه .. وش شرطك ..؟
ابو فهد / بكره تروح معي لعمك محمد ونخطب بنته الكبيره لك ..
فهد / منصدم .. وشو يبه .. بس باقي انا صغير ولا بعد تجهزت للزواج ولاكونت نفسي
ابو فهد / ماقلت تزوج بكره قلت نخطبها بس وبعدين بنت عمك مانبيها تروح لغيرك
فهد / ( يايرجع للمشاكل من جديد والزعل .. او يرضى بشرط ابوه ) .. ابد يبه على أمرك
ابو فهد / في اليوم الثاني ( يالله يافهد عمك يحترينا له ساعه )
فهد / ابشر يايبه الحين جايك

( راحوا وخطبوا بنت عمه والامور تمت بكل سلاسه وسهوله )
فهد / ( رجع لدوامه واخوياه .. وعبير ..)
فهد / يتصل على عبير .. هلا عبير وش اخبارك .. تراني وصلت
عبير / وش تبيني اسوي ..
فهد / وشو اللي ابيك تسوينه .. ردي علي مثل الناس وش هالاسلوب
عبير / اعتقد الكلام في التليفون بأي شيء خارج نطاق العمل ماله اي داعي
فهد / وشو وشو .. وش هالاسلوب الجديد
عبير / ابد ومنكم نستفيد ..هذي خبراتك اللي اكتسبتها منك
فهد / اوكيه مشكوره ( مع السلامه .. قفل الخط )
فهد / دق على مشعل / مشعل وينك ..
مشعل / موجود بالشقه .. ليه ..؟
فهد / بجيك بعد شووي .. ابيك بموضوع ضروري
مشعل / خلاص بنتظرك
ركب مشعل مع فهد وراحوا يتمشون ..
فهد / مشعل ياخي بموت من القهر وابي رايك .. في شغلات كثير
مشعل / وش فيك وش اللي قاهرك ..؟
فهد / رحت للديره وانت عندك خبر بروحتي .. وقبل اروح دار بيني وبين عبير كلام
مشعل / وش دار بينكم ..؟
فهد / انا قلت من زمان انها عرضت علي اني اتزوجها ولا رديت لها خبر ..
مشعل / وبعدين ..
فهد / وقبل اسافر بيوم جيته بالشركه وعلمتها اني بسافر وبعدها دقيت عليها جوال
وتكلمت انا وياها في كلام كثير ..
مشعل / وش دار بينكم بالظبط
فهد / قلت لها اني مستحيل اتزوجها .. وقطعت جميع السبل بوجهها
وكنت فعلا قاسي بكلامي معها .. بس ماكنت قاصد ..
مشعل / لحظه لحظه .. ليه فيه قسوه بقصد وفيه بدون قصد .. اللي اعرفه
اللي يقسى او يجرح خلاص معناه عارف وش مسووي
فهد / ياخي افهمني وخلني اكمل لك ..
مشعل / كمل ياروميو
فهد / انا كنت ابيها تبتعد عني شووي ولاتحط فكرة الزواج في بالها لانها صعبه حاليا
ورجعتي لأهلي كانت لجل احسن علاقتي معهم وارضيهم وكان قصدي اصلا

من هذا كله بعد مارجع من الديره اتزوج عبير بالسر ولا احد يدري الا انت
لكن صار شيء ماكنت حاسب حسابه ..
مشعل / وش صار معك ..
فهد / ابوي اشترط علي مايرضى علي الا اذا خطبت بنت عمي .. وفعلا خطبتها
مشعل / اووف وانا آخر من يعلم مبروك مبروك يالشين والله وكبرنا وصرنا نبي

نتزوج ونصير مسؤولين ..
فهد / الله يرحم والديك يامشعل ماني رايقك لتتنكيت انت رايق ولاانت حاس باللي فيني
اقولك انا خطبت بنت عمي .. يعني ابي اتزوجها .. يعني عبير اللي انا احبها
ماعاد راح اتزوجها
مشعل / وليه توافق لابوك اصلا انك تخطب بنت عمك .. ياخي فيه شيء اسمه استقلاليه
في الاختيار .. ياخي ماذبحني غير هالعادات والتقاليد .. اذا ماتبيها .. ليش تخطبها
ليه توافق .. ياخي ماهي سهله تاخذ البنت مسكينه وتعيش معها جسد بلا روح
البنت انسان مو حيوان .. البنت ماراح ترتاح معها وانت ماتحبها او تبيها
نفس الشيء انت ماراح تتعامل معها تعامل زين وانت مغضوب فيها
ياخي مانت ورع صغير انت كبرت وصار لك شخصيه استقلاليه فيك
وعبير اللي ضحت معك وأوفت لك واخلصت لك ووقفت معك ووقفتك على رجولك

وفوق هذا حبتك لشخصك ماتبي منك شيء .. هذي جزاتها
سبحان الله اللي نبيهم مايبونا واللي يبونا مانبيهم .. انا اشهد اني عايش زمان مو زماني
فهد / خلاص خلصت كلامك .. خلصت والا باقي شيء نسيته والا باقي فيه تجريح
مشعل / فهد انا ماجرحتك انا صارحتك وعلمتك خطاك اتمنى تكون واقعي اكثر من موضوعيتك المزيفه
فهد / وس اسووي الحين انا ماجبتك تزيدني هم انا جبتك تشوف لي حل ..
وعلى فكره كلمت عبير قبل شوي قبل اكلمك ..وردت علي بأسلوب مختلف جدآ وجاف
مشعل / لايكون على بالك انها بتقول هلا بحبيبي وعمري وترحب فيك .. تراها انسان انسان
مو حيوان يبو الشباب وش تتوقع منها بعد ماقلت لها مابي اتزوجك ولاتفكرين اتزوجك
وعاد اذا عرفت انك خطبت بنت عمك عاد شف لها حل هذاك الوقت
فهد / وش السواه ياخي راسي ذبحني بينفجر .. من كثر التفكير
مشعل / خلنا نرجع للشقه ونقعد مع الشباب ونلعب ونسولف وبعلمك بعدين وش تسووي
فهد / مشينا ..
فهد .. ارسل رساله لعبير يراضيها ويعبر لها عن اسفه
عبير .. مطنشه
فهد / مشعل تعال ابيك .. بسرعه
مشعل / خير وش فيه ..
فهد / ارسلت رساله لعبير واتعذرت منها ولاردت علي لها ساعه الحين
مشعل / انت صاحي انت والا مجنون مو قايلك بنشوف بعدين ليه ترسل لها رساله
فهد / ياخي ذبحني التفكير .. بنت عمي ومخطوبه من كم يوم .. وعبير واحبها واموت فيها
واهلي من صوب وعبير من صوب ..
مشعل / فهد اسمعني زين .. كلا الخيارين مر .. وصدقني انت اللي حطيت نفسك في هالموقف
عبير .. وخيرها .. وحبها .. وفلوسها .. والوظيفه .. وكل شيء يتمناه اي شخص
واهلك .. وبنت عمك اللي صارت مخطوبه لك .. والعادات والتقاليد .. كلها امحق من الثاني
ابيك تسوي شغله .. وانا بساعدك عليها ..
فهد / وش هالشغله ..؟

.

.

.

.

.

.

.








نشوف وش هالشغله في الجزء العاشر

مشعل / ابيك تروح لعبير وتقولها وش صار معك بالتفصيل الممل
وتقول لها ليش انت قلت لها الكلام هذاك قبل تسافر .. وتقول لها انك خطبت بنت عمك وكان غصب عليك
وهذا ارضاء لأبوك .. ولاتخلي شيء الا تقوله لها .. لجل تعرف انك فعلا تحبها


وانك صادق معها .. وصدقني ماراح يصير الا كل خير
لأنها تحبك ماراح تتمنى لك الا كل خير .. وانا اللي بكلمها وبتفق معها واعطي موعد
متى تتقابلوون ..


فهد / مشعل من جدك تتكلم ..
مشعل / اجل امزح ..ياخي متى تفهم على نفسك وتعرف انك في مفترق طرق
ولابد يكون فيه قرار منك وحازم او موقف يحدد هويتك ..
او على اقل تقدير تفهم انك انسان تمشي بوضوح ..
فهد / مشعل احسها صعبه شووي


مشعل / انا بدق على عبير واتفق معها .. اذا ماتبي قول مابي


انا كل ماجبت لك حل .. تطلع فيه الف عيب وعيب


فهد / خلاص موافق .. بس اذا صار شيء بجملك المسؤوليه ..


مشعل / ترى مانت بزر او جاهل .. تراك غثيتني .. بديت اكرهك


فهد / افا وهذا اللي معتمد على الله ثم عليك .. تقول كذا


مشعل / ياخي تعبتني معك .. بعدين عندي حل احلى من هذا ..


فهد / وشوو ..؟


مشعل / خلاص بروح اليوم اخطب عبير .. وانت خلك مع بنت عمك ..


فهد / ايش ايش .. والله العظيم ..


مشعل / بس بس لاتحلف ولاشيء .. امزح امزح والله .. ياشين اللي يبي يسوي
نفسه يحب ولاقدر .. خلاص بكلم عبير واعطيك خبر ..


فهد / اوكيه


مشعل /ياخذ جواله و يتصل على عبير .. / الو ..


عبير / هلا ..


مشعل / مساء الخير . عبير .. وش اخبارك


عبير / هلا مشعل بخير الحمد لله .. وش اخبارك انت ..


مشعل / عبير مابي اسوي نفسي فيلسوف .. بس بختصر الموضوع واخش دغري


عبير / عسى خير .. فهد فيه شيء ..؟


مشعل / لا مافيه شيء يابنت الناس .. فال الله ولا فالك


عبير / وش فيه ..


مشعل / الموضوع يخص فهد بس فهد مافيه شيء ..


عبير / قول ..


مشعل / من يوم رجع فهد .. وهو حايسني حووس
وقال لي عن اللي صار بينكم .. واتصالاته وكل شيء ..
وقال يبي حل .. وعطيته الحل انكم تتقابلون ثنينكم. وكل واحد يقول اللي يبي
وتتفقون على اللي تبون .. وصدقيني هذا حل لكم كلكم .. لجل تعرفون وش تبون اصلآ
وفهد فعلا محتاجك ويبي يتكلم معاك .. وانتي ماعتقد بتردينه .. لانك اكبر من كذا
ولايحتاج اعلمك وشو انتي .. فأتمنى توافقين على طلبي وتتقابلون ..


عبير / مشعل الموضوع مو بالسهوله هذي اللي تتوقعها .. الموضوع اكبر بكثير
انا انصدمت في فهد .. بالذات من آخر مره كلمني فيها .. قبل يسافر ..
تخيل يجيك واحد انت تحبه وتموت فيه .. ويقول بكل صوت عالي .. وجفاف في الاسلوب
انا مابي اتزوجك ولا تفكرين اصلا بالزواج .. وش رايك بالله .. هذا اسلوب ..


مشعل / عبير دقيقه .. انا مابي اناقش اي شيء معاك .. لاني ادري ماراح تقتنعين مني
وانا ماعندي خلفيه كبيره عن اللي صاير بينكم ..


عبير / مشعل خلني افهمك انا .. وش صاير .. وبعدها احكم ..


مشعل / عبير مابي افهم شيء .. ابيك توافقين على طلبي وبس .. وبعد
ماتتقابلون مستعد
اسمعك وافهم اللي تبين تقولينه كله..


عبير / مشعل ليش تبي توقف مع فهد رغم معرفتك التامه انه هو الغلطان .. ماتوقعتك كذاا


مشعل / لا والله لاتفهميني كذا .. وربي ماوقفت معاه .. بس الحوار بيني وبينك
ماينفع قبل تقابلين فهد وتعرفين وش عنده بعدها بتعذريني


عبير / مشعل .. انا بقابله .. لجلك انت .. بس ابيك تفهم شغله .. اني احب فهد
ورغم كل اللي سواه .. وراح اتحمل اي شيء علشانه . وراح ادعس على كرامتي
علشان ارضيه .. بس ياليته يفهم هالشيء



مشعل / عبير انا فاهم الشيء هذا قبل فهد .. بس الظروف لها دوور .. انتي الحين وافقتي على طلبي صح



عبير / ايه وافقت .. بس شلون اقابله .. ووين .؟


مشعل / بخليه يدق عليك وحددوا الموعد والمكان .. واتفقوا


عبير / صار ..


مشعل / مع السلامه ..




























(يـتـبــع)

--------------------------------------------------------------------------------

مشعل / فهد فهد .. يافهد .. يامتبلد .. يافهد





فهد / هاه هاه .. وش فيك خير انشاء الله .. بعدين وش متبلد جديده هالكلمه ..؟




مشعل / انت اصلا ماتملك احساس .. يعني متبلد قليله فيك ..عموما دقينا

على عبير


او وافقت على المقابله .. بعد القيل والقال والهواش والمضاربه .. وجات الشرطه

والهيئه .. ومسكوني وحطوني بالحجز .. وحققوا علي ..





فهد / هيه هيه .. ملحوس انت .. والا تسوي نفسك عادل امام ..تنكت على غفله ..




مشعل / لا والله لا انكت ولا شيء .. فعلا دقيت على عبير وخلاص وافقت

تقابلك ..


وقلت له انك بتدق عليها . وتحدد معها الموعد والمكان .. بس هذي كل السالفه




فهد / وليه ماتدق هي .. وش معنى ادق انا ..




مشعل / موقايل لك انك متبلد .. ياخي مسوي اللي مسوي .. وتبيا تدق ..


وفوق هذا قبل شوي .. جايني شوي وتبكي .. والحين مسوي نفسك قووي




فهد / خلاص بدق .. وش خلاني اعتمد عليك أصلا .. لكن استاهل






مشعل / فهد .. مثل ماوصيتك .. لازم تطلع بحل .. ولازم ترضيها حتى لو

ماتفقتوا

يعني عبير .. ماتستاهل اللي يصير لها .. أتمنى تفهم كلامي ..





فهد / اسكت شوي ابوي يدق علي .. هلآ يبـه



ابو فهد / وش اخبارك ياولدي .. عساك بخير وامورك تمام




فهد / ابشرك يبه كل شيء تمام .. وش اخبارك واخبار امي واخواني




ابو فهد / كلهم بخير .. بس بغيتك بشغله ..




فهد / آمر يبه ..



ابو فهد / متى تبينا نحدد الزواج .. عمك كلمني وقال نستعجل



فهد / يبه انا قلت لك قبل نروح لهم ياقي فيني وقت الين اجهز نفسي

وعمي لازم يصبر علي ويقدر وضعي وظروفي




ابو فهد / بقوله وبقنعه .. بس هاه .. لاحد يطول نبي نشوف عيالك ياولدي




فهد / ابشر ابشر يبه .. سلم على امي واخواني





ابو فهد / مع السلامه





















( يـتـبـع)

--------------------------------------------------------------------------------

فهد / مشعل .. هذا ابوي .. يقول ان عمي قال لازم نستعجل ..


مشعل / ياسلام سلم .. كذا تبدى الشراره الأولى من حرب العاشق المتبلد
تصدق اني مبسوط فيك .. لانك .. ماتستاهل عبير


فهد / ضف وجهك قبل الحين اصكك كف اخليه يغمى عليك اسبوع


مشعل / ارحمنا يارامبوا .. تبي شيء بطلع


فهد / انقلع .. يآخذ جوآله ويدق على عبير .. ألـو


عبير / نعم ..


فهد / مساء الخير عبير .. وش اخبارك


عبير / هلا بخير ..


فهد / عبير مو كذا ردي علي زين .. بعدين ماني اق ابي هواش .. داق ابي اشوفك
ولازم اشوفك ..



عبير/ وش تبي فيني .. مو كافي اللي سمعتني ياه قبل تروح لأهلك .. والا باقي فيه غيره


فهد / لا والله .. بس لازم اشوفك ضروري .. بليز عبير


عبير / فهد مشكلتك .. مانت فاهم وش تسوي .. ولاحتى وش قاعد يصير حولك
ولكن ماعليه بشوفك .. بس وين ومتى ..؟
فهد / لو تبين الحين .. اهم شيء يكون متى ماتبين


عبير / خلاص بعد نص ساعه قابلني .. على كورنيش الواجهه البحريه


فهد / اوكيه .. بآي




رآح فهد .. وسكب وشخص .. وحط من هالعطور .. وركب سيارته
.. وصل على الكورنيش


فهد / .. الو .. عبير انا وصلت وينك ..


عبير / راح تحصلني قاعده لحالي قريب من اللوحات الاعلانيه ..


فهد / شافها .. احم . احم . .. سلام ..


عبير / بدون اهتمام .. هلا ..




فهد / عبير .. هذا استقبال .. عطيني وجهك اقل شيء مو ظهرك ..


عبير / فهد اجلس وقول كل اللي عندك .. ترى تعبانه ولاني فاضيه ..


فهد / خلاص ابشري .. بس قبل اتكلم .. ابيك تكوني رايقه .. بليز


عبير / فهد قول مالك شغل بروقاني .. قول وبس


فهد / اول شيء انتي بخير ..؟


عبير / الحمد لله ..


فهد / .. ماشتقتي لي .. ولاوحشتك


عبير / فهد بتقول والا شلوون ..















(يـتــبــع)

فهد / بقول .. بس تسمعيني للآخر ولاتروحين الين اخلص

عبير / ترى رفعت ظغطي قول اخلص علي

فهد / انا خطبت بنت عمي ..

عبير / ( تقوم من مكانها ) ايش .. خطبت .. ليه
وانا .. وحبنا .. فهد من جدك انت .. والا هذا اسلوب نرفزه


فهد / عبير .. روقي شوي ماقدر اتكلم وانتي كذاا

عبير / فهد قول الكلام اللي قلته صار او لا .. بسرعه

فهد / ايه صار .. بس والله مو بيدي .. ورب البيت مو بيدي ولا لي فيه اي سلطه

كل هذا من ابووي .. ( يبكي ) ابوي اللي اجبرني على هالشيء .. وكان شرطه

الوحيد لجل يرضى علي .. اني اخطب بنت عمي .. واتزوجها .. عبير وربي اني

احبك واموت فيك .. بس وربي غصب عني .. ولا عاد ابي اخسر اهلي

بس في نفس الوقت مابي اخسرك .. عبير بليز افهميني .. وقدري وضعي


عبير / ( تبكي ) .. افهمك .. وقدر وضعك .. وانا من يفهمني ومن يقدر وضعي

من يقدر حبي يافهد .. كل هذا وانا مو فاهمتك ولا مقدره وضعك .. كل هذا اللي سويته

وباقي مو فاهمتك .. حرام عليك وربي حرام .. ضحيت بسمعتي .. ومكانتي .. وراحتي

علشانك .. علشان ارضيك واريحك .. وثقت فيك وعطيتك ولا قلت هات .. وكل هذا مو فاهمتك

ولا مقدره وضعك .. ياخي ماتحس انت ..


فهد / عبير .. وربي مقدر وعارف .. ولا انكرت هالشيء .. بس انا وش اسوي .. اهلي من صوب

وانتي من صوب .. عبير ماني عارف وش اسووي .. بس اللي ابيك تعرفيه اني احبك وربي احبك

ولايمكن اتنازل عن هالشيء ..


عبير / فهد . خلاص مابي اسمع شيء .. جايني بكل عين قويه .. تبشرني بخطبتك

والا تبيني ابارك لك ( تتلعثم ) فهد ذبحتني .. وكل يوم تزيدني جرح
( تطيح عبير ويغمى عليها ) ..

فهد / عبير عبير .. عبير .. وش فيك عبير ردي علي .. عبير قلبي وش فيك

( يناظر .. تكفون ياشباب .. واحد يجي )

عطني مويه .. لو سمحت ..

[ يتجمعون الناس .. وش فيها .. وش فيها ]

فهد / بليز واحد يشيلها معي .. لو سمحتوا وخروا شووي ..

( تجي حرمه .. وتشيلها مع فهد وواحد ثالث ..)


فهد / مشعل .. الو . مشعل .. تكفى تعال .. بسرعه


مشعل / وش فيك وجع .. وش صاير


فهد / عبير طاحت علي وانا مروحها للمستشفى .. بسرعه تعال تكفى

مشعل / اي مستشفى ..


فهد / مدري بس تعال .. خلاص بروحها .. مستشفى سعد

مشعل / خلاص جايك الحين ..


( يوصلون المستشفى .. يدخلونها الطواري ..)..


فهد / مشعل..الو .. وينك ياخي .. تعال بسرعه تكفى


مشعل / خلاص .. وصلت انت بالطواري

فهد / ايه ..


( عبير في غرفة الطواري )

( وصل مشعل ) ..



مشعل / فهد خير وش صار .. وش فيها عبير ..

فهد / مدري كنا نتناقش وفجأه طاحت واغمى عليها ..

مشعل / متأكد ماسويت فيها شيء ..

فهد / وش فيك انت .. وش راح اسووي

مشعل / مدري عنك ليش طاحت ..

فهد / مشعل مو وقت هالكلام .. الحين وش راح يصير لها


مشعل / تفائل خير ياخي .. انشاء الله كل خير ..

فهد / وربي اني غبي .. المفروض ماقولها شيء


مشعل / وش قلت انت ..؟

فهد / علمتها بالخطبه ..

مشعل / على طول جيت وقلت لها ..؟

فهد / ايه وش تبين اقول .. مو هذا اتفاقنا ..


مشعل / ياخي ماقلت تعال وقلها كاش .. ياخي مافيه مقدمات عندك ماتعرف شلون تتكلم


فهد / خلاص صار اللي صار .. الحين خايف يصير لها شيء ويكون بسبتي

مشعل / لا انشاء الله خير


( يطلع الدكتور بعد ساعه من الإنتظار .. )


فهد / بشر يادكتوور ..


الدكتور / من المسؤول عن المريضه ..

فهد / انا المسؤول عنها .. وش فيها طمني

مشعل / دكتور تكلم وش فيك مكشر ..ياخي فيها شيء قوول


الدكتور / وش علاقتك فيها ..

فهد / انا .. هاه .. انا زوجها .. ياخي تكلم

الدكتور / مدري وش اقـول .. بس










رآح نـشـوف .. وش صار لعبير .. في الجزء الحادي عشر

--------------------------------------------------------------------------------



الدكتور / مدري وش أقول .. بس .. الأخت عندها .. صدمـه .. عصبيه
ولابد .. تبقى كم يوم .. بالمستشفى

فهد / شلون يعني صدمه عصبيه ..؟

الدكتور / يعني .. جاها خبر فجعها .. خبر صدمها .. او صار لها موقف ماقدرت تتحمله

حتى انه ملآحظ انها ظغطت على نفسها

فهد / ايه .. دكتور .. انا .. قلت لها خبر .. .. قصدي .. جاها صدمها

مشعل / دكتور . ممكن شووي ابيك .. لحظآت

الدكتور / تفضل يآأخ ..؟

مشعل / دكتور .. وش فيها بالظبط .. فحصتوها .. سويتوا لها اشاعات

الدكتور / سوينا كل اجراءات الطواري .. ولاتبين لنا غير الصدمه العصبيه .. وباقي الإجراءات

بنسويها بعد شووي

اهم شيء الحين انها فاقت .. والنبض سليم ..

مشعل / اوكيه .. شكرآ يادكتور .. .. فهد .. فهد

فهد / هلا .. وش فيه .. وش رحت تقول للدكتور

مشعل / ابد اتطمن عليها لا أكثر ..

فهد / يعني انت تهمك حالتها وانا لا ..

مشعل / ياخي .. واللي يرحم والديك .. تراك تعبتني .. وش هالتفاكير معك

مشينا .. للشقه . . وراح نتفاهم هناك

فهد / وين اروح والبنت لحالها .. انت صاحي

مشعل / بالله وش بتسووي .. يعني بترافق معها .. والا بتجيب لها الأكل

فهد / مدري .. بس المهم اكون قريب منها .. وقبل كل شيء .. خلني اروح اخلص باقي الإجراءات

مشعل / خلاص خلص اللي تبي .. واذا تبي تقعد بكيفك .. واذا تبي ترجع بكيفك .. انت حر

فهد / اوكيه انت روح للشقه .. وريح نفسك .. واذا بغيت منك شيء دقيت عليك

مشعل / اوكيه .. تبي شيء الحين

فهد / سلامتك










(يـتـبـع)

عبير .. يدخلونها .. غرفة التنوام ..
فهد .. باقي موجود بالمستشفى .. حتى .. صلاة الفجر
مشعل .. رجع للشقه .. ونـآم

مشعل /.. يصحى على صوت الجوآل .. الـوهـ ..

سلآم عليكم .. الأخ مشعـل ..

مشعل / ايه .. من معي ..

معك مستشفى .. الملك فهد التخصصي .. بالدمام

مشعل / يقوم .. من مكآنه .. خير انشاء الله

أبد .. انت اسمك مسجل .. عندنا ..في ملف شخص صار عليه حـآدث
قبل فتره .. وفي خلال اليومين هذي .. اكتشفنا .. ان الشخص هذا يحمل فيروس بالدم
ونبيك .. تحاول توصلنآ .. للشخص هذا بأي طريقه

مشعل / وش اسمه ..

اسمه .. فهد عبدالله

مشعل / وشوو .. فهد عبد الله .. انت متأكد ..

ايه متأكد .. ياخوي .. وش فيك .. يقرب لك ..؟

مشعل / وشو فيروسـه .. هذا اللي تقول

هذا فيروس سرطاني بالدم .. نبيك .. تجيب الشخص هذا في أقرب فرصه
لأنه لازم نعالجه .. ونكافح الفيروس .. قبل ينتشر في جسمه كله

مشعل / لاحول ولاقوة الا بالله العلي العظيم .. ابشر ابشر . مايهمك

شاكرين لك .. تعاونك معنا .. مع السلامه
مع السلامه ..

مشعل/ يصحى مايلقى فهد .. يدق .. على فهد .. .. .. .. فهد .. مايرد ..
يآخذ نفسـه .. ويروح . للمستشفى .. يدور على فهد ..
يدور عليه بجميع .. الأقسآم مايلقآهـ .. يدق على جوآله .. بعد مآيرد
يدق .. على عبير .. .. .. .. أخيرآ ترد

مشعل / عبير .. صبآح الخير .. الحمد لله على السلامه

عبير / بصوت .. ( تعبان).. صباح النور .. الله يسلمك

مشعل / انا آسف .. ازعجتك .. بس حبيت اتطمن عليك .. واتحمد لك بالسلامه

عبير / تسلم مشعل .. ماتقصر ..

مشعل / عبير .. شفتي فهد .. ..؟

عبير / ليش وينه ..

مشعل / والله بعد اللي صار الباآرح .. كلمني وجيت .. وقعدنا الى الساعه 12 ويوم تطمنا
عليك .. قلت برجع للشقه .. وهو رفض قال .. بيجلس هنا معآك ..

عبير / وين يجلس .. وشلون يجلس .. وش يسوي أصلآ ..

مشعل / والله قلت له ماله اي فايده . بس رفض .. وصحيت الصباح دورت عليه ولا لقيته .
دقيت على جوآله .. مايرد .. وجيت ادورها هنا مالقيته .. حسبتك . تعرفين وينه فيه
بس ماعليك .. بدور عليه وبلقآه .. بحصله .. نايم عند احد من الشباب
لاتشغلين بالك .. اذا لقيته .. برد لك خبر

عبير / مشعل .. بليز اذا حصلته .. علمني ..

مشعل / ابشري . مايهمك .. اهم شيء لاتشغلين بآلك .. يالله باي

عبير / باي












(يــتـبــع)

فهد / نآيم .. في غرفة الإنتظار .. يحصل مكالمات مشعل .. يدق على مشعل .. الو


مشعل / هلا .. وينك فيه انت ..


فهد / بالمستشفى ..


مشعل / وين بالمستشفى .. وانا قلبته قسم قسم غرفه غرفه .. وين بالظبط


فهد / في غرفة الإنتظار بالطواري .. غلبني النوم ونمت ..


مشعل / جايك ..الحين


فهد / اوكيه ..


مشعل / صباح الخير .. يبو


فهد / صباح النور .. وش فيك جاي هالحين ..


مشعل / الشرهه علي انا اللي خايف عليك .. لكن ماعليك شرهه
فهد / ياخي ماقصدي .. بس غريبه مو للدرجه هذي


مشعل / انا حسبتك بترجع تنام بالشقه .. بس صحيت الصباح مالقيتك .. دقيت عليك ماترد
والشيطان لعب براسي . . وجيت ادورك .. ويوم مالقيتك .. دقيت على عبير
وتطمنت عليها .. وسألتها عنك .. حسبتها تعرف انك موجود هنا


فهد / مشعل .. والله ماقصدي اشغل بالك .. بس غلبني النوم .. عموما وش أخبار عبير


مشعل / دق عليها وتطمن عليها .. بنفسك


فهد / يدق على عبير .. الو .. صباح الخير يآقلبي .. سلامة قلبك من التعب


عبير / الله يسلم عمرك .. وش اخبارك ..


فهد / بخير فديتك دآمك بخير .. ماعليك مني .. اهم شيء انتي تكوني بخير


عبير / وينك فيه مشعل يدور عليك وين كنت .. اشغلت بالي عليك


فهد / حتى وانتي بهالحاله .. مشغله نفسك فيني .. ماعليك كنت نايم عند واحد من الشباب
ومشعل .. مستعجل .. يحسبه صار فيني شيء .. باقي يحسبني صغير


مشعل / يناظر فهد .. بإستغراب


عبير / المهم انتبه لنفسك ..


فهد / ابشري .. ياقلبي .. مع السلامه



مشعل / ايوه .. مستعجل .. وباقي احسبك صغير


فهد / ياخي مالي الا اقول هالعذر .. بعدين ماقلت شيء خطى


مشعل / لا والله وواثق من نفسك انت ووجهك ..


فهد / بالله ريحنا من فلسفتك ..


مشعل / هيا خلنا نروح نفطر .. وبعدها نرجع للشقه


فهد / فطور .. اوكيه .. بس رجعه ماني رآجع الين تطلع عبير من المستشفى


مشعل / من جدك .. انت .. البنت بتطول .. وانت جلستك مالها فايده


فهد / ياخي معجبني الوضع هنا .. وبعدين .. ماني مرتاح الين اشوفها وقت الزياره


مشعل / وليه منتظر وقت الزياره .. رح للرسبشن وخلهم يعلمونك رقم غرفتها ورح تطمن عليها


فهد / راح يسمحون لي ..؟


مشعل / فهد .. هذا مستشفى خآص .. والزياره .. في اي وقت .. وكلن يجي يتطمن على اقاربه
بس بهدوء . واي ملآحظه يطردونه ..


فهد / .. خلنا نشوف ..يآستآذ
السلام عليكم .. صبآح الخير أختي ..


موظفة الريسبشن / عليكم السلام .. صباح النور أخوي ..
آمر .. أخووي ..


فهد / فيه مريضه .. منومه .. البارح وابي ازورها


الموظفه / وش اسمها او بأي قسم ..


فهد / عبير خالد .. مدري اي قسم .. بس متنومه من البارح ..


الموظفه / دقيقه .. ايه هذي بقسم الباطنيه والأعصاب .. بس وش تقرب لها ..؟


فهد / انا من اقاربها .. ولد عمها ..


الموظفه / سوري اخوي .. مانسمح الا لأخوها .. او زوجها .. او اهلها بس ..


فهد / انا بمثابة اخوها ..


الموظفه / ادري انك بمثابة اخوها .. بس مو اخوها فعليآ .. ولكن فيه حل .. نتصل عليها
اذا سمحت لك .. تقدر تزورها


فهد / اوكيه اتصلي عليها ..


الموظفه / تدق على التحويله .. الو ..صباح الخير .. الأخت عبير


عبير / هلا صباح النور ..


الموظفه / مع استعلامات .. الريسبشن .. فيه واحد يقول اسمه فهد وانه ولد عمك
يبي يزورك .. وطبعآ .ز هذا ممنوع .. الا بموافقتك انتي


عبير / يقول ولد عمي ..


الموظفه / ايه ..


عبير / سوري .. مابي يزورني .. أحد .. لا ولد عم .. ولا غيره .. ولو سمحتي
مابي اي زياره .. نهائيآ ..


الموظفه / ابشري .. مايهمك


فهد / هاه وش قالت لك ..















(يـتـبــع)

الموظفه / تقول .. ماتبي زيارة احد .. لا ولد عم ولا غيره

فهد / وشوو .. انتي من جدك .. انا قبل شووي مكلمها .. وعادي ماقالت هالشيء

الموظفه / اخوي هذي تعليمات .. مانقدر نتجاوزها .. اتصل عليها وتأكد

فهد / اوكيه بدق عليها .. بس احصل غير هالكلام .. مايصير لك خير

الموظفه / الله يهديك اخوي .. هذا عمل ماراح اكذب

فهد / مشعل .. تسمع وش تقول ..

مشعل / يمكن ا البنت صادقه .. يمكن عبير ماتبي احد يزورها الحين

فهد / ياخي شلون تقول ماتبي احد يزورها .. لا ولد عم ولاغيره

مشعل / دق عليها وتأكد

فهد / يدق .. .. الو

عبير / هلا

فهد / عبير .. وش قلتي للموظفه حقت الإستعلامات

عبير / قلت لها .. مابي زيارة ولد عم ولا غيره

فهد / بس انا ابي اتطمن عليك .. شلون تقولين ماتبين زيارتي

عبير / انا قلت .. مابي زيارة ولد عم ولا غيره .. لأنه ماعندي .. عيآل عم
عندي واحد بس .. اللي هو انت .. والمصيبه انك تخليت حتى عن مكانتك وموقعك

فهد / عبير .. انا قلت ولد عمها .. لجل .. يدخلوني . تبيني اقول حبيبها ..

عبير / ليه عيب والا حرآم ..

فهد / لا مو عيب ولاحرآم .. حتى ولو قلتها .. ماراح يدخلوني ..

عبير / بس بيدقون علي ويقولون .. واحد يقول انه حبيبك .. يبي يزورك
هذاك الوقت .. اقدر اقول خلووه يدخل ..

فهد / عبير .. انتي الحين .. زعلتي لأني قلت لك اني ولد عمك .. بس

عبير / لا .. انا ماني زعلانه .. انا بس ابيك تعرف قيمة الإنسانه اللي قاعد تلعب فيها

فهد / عبير .. والله اني احبك .. واي شيء اسويه .. علشانك يطلع مايسوى شيء
وش اللي اقدر اسويه علشـآنك

عبير / تبكي .. فهد .. دخيل والديك .. اتركني بحالي

فهد / عبير .. ابشري .. بس تأكدي اني احبك .. يقفل الخـط



















(يـتـبــع

مشعل / خير انشاء الله وش صاير ..

فهد / تنزل دمعته .. مافينا شيء .. مشينا .. للشقه ..

مشعل / يعني الفطور .. رآح ..

فهد / يناظر مشعل .. بإستغراب .. مشعل انا بروح للشقه .. ونتقابل هناك

مشعل / صار .. اهم لاتضايق حالك .. كل مشكله لها حل ..

فهد / مع السلامه ..


مشعل / يآخذ جواله .. ويتصل . على عبير .. الو عبير

عبير / تبكي ..هلا مشعل

مشعل / عبير .. وش فيك عسى ماشر

عبير / ابد مافيني شيء . فيني الحظ الردي .. اللي ملازمني طول عمري .. كل ماقلت هانت جات بعلمٍ جديد

مشعل / هونيها وتهون .. والموضوع مايستاهل .. كل واحد منكم على صوب يبكي ويعزي

عبير / شلون كل واحد على صوب .. ليه وش قالك فهد

مشعل / ماقالي شيء .. بس طلع من عندي .. ودموعه على خده .. ورفض يقول لي وش صار

عبير / هآه .. يبكي..( مرتبكه ).. وليش يبكي .. أصلآ

مشعل / عبير اقولك شيء .. وربي لو تعرفيه .. رآح تنصدمين أكثر .. بس انا خآيف عليك

عبير / مشعل .. قول .. ترآك خوفتني . وش صاير

مشعل / اول شيء توعديني .. ان فهد مآيدري .. ولاحتى يدري اني اتصلت عليك

عبير / ابشر .. بس قول لي ..

مشعل / فهد من البارح .. نايم بالمستشفى .. ولا رضى يروح معي ..

قال .. يبي يكون قريب منك .. وجيت اليوم .. ادوره . ودقيت عليك حسبته عندك

بعد ماقفلت منك .. دق علي . وقال انه نايم بغرفة الإنتظار .. وكل هذا علشانك

الشيء الثاني .. اليوم جآني اتصال .. من مستشفى الملك فهد التخصصي ..

يسألوني من فهد .. وانا استغربت .. الإتصال .. قلت لهم اني اعرفه ..

قالوا .. ان فهد يحمل فيروس سرطاني بالدم .. وانهم مكتشفينه .. خلال اليومين

ولازم نجيبه لهم .. لجل .. يكافحون الفيروس .. قبل ينتشر بالجسم كله

ولاقدرت .. اقوله شيء .. بالذات في وضعكم هذا .. وخايف اقوله وينصدم


عبير / مشعل .. وش تقول .. انت متأكد انهم يقصدون فهد ماغيره

مشعل / ايه قال فهد عبد الله .. حتى انا ماصدقت الين قال اسمه

والغريب في الموضوع .. شلون يكتشفون الفيروس .. بعد مرور .. فتره من الحادث

وليه ماكتشفوه .. الا الحين .. وربي راسي ذابحني من كثر التفكير
عبير / تبكي .. مشعل .. تكفى رح الحين للمستشفى .. وتأكد من الاسم .. وانشاء الله مايطلع هوو

واذا تأكدت رد لي خبر ..

مشعل / ابشري .. بروح الحين ..

أخذ نفسه مشعل .. وراح للمستشفى .. يدخل على الاستعلامات

سلام عليكم .. صباح الخير اخووي .. انا جاني اتصال من عندكم اليوم .. يستفسر عن شخص ..
وابي أتأكد منه .. هو نفس الشخص والا لا ..

الموظف / وش اسمه .. او وش سالفته ...؟

مشعل / اسمه فهد عبدالله .. يقولون انه يحمل فيروس بالدم

الموظف / دقيقه بس . . يتصل على .. قسم الأورآم .. والفيروسات..
انا عندي شخص يستفسر .. عن .. اتصال .. جاه اليوم من المستشفى .. ويقول انكم سألتوه عنه

واحد اسمه فهد عبدالله .. يبي يتأكد من الاسم ومن الشخص .. ومن المرض

.. ايه نفس الاسم .. وصاير عليه حادث .. قبل سنه تقريبآ .. وأسعفوه عندنا ..
واذا كان يعرف الشخص .. يحاول يعطينا خبر .. لجل نتصرف ..

الموظف / اوكيه .. مشكوور

اخوي .. نعم نفس الاسم .. ونفس الشخص .. ويقول صاير عليه حادث قبل سنه

واسعفوه هنا عندنا .. وانت من ضمن الاشخاص .. اللي سجلوا اساميهم مع المسعفين

مشعل / لاحول الله ياربي .. اوكيه مشكور اخووي

الموظف / العفوو ..














(يـتـبـع)

مشعل / يطلع من المستشفى .. ويتصل على عبير .. الو عبير

عبير / هلا مشعل بشر .. عسى مو فهد

مشعل / لا والله .. طلع فهد .. والدليل الحادث اللي صار عليه قبل سنه وانا كنت موجود فعلا..

عبير / تبكي .. مشعل .. تكفى قول غير هالكلام .. وربي مو ماني مصدقه .. ليش كذاا ياربي

مشعل / عبير .. قولي الحمد لله على كل حال .. تعوذي من ابليس .. وش هالكلام ..
قدرت رب العالمين .. والحين .. شلون نسووي .. مع فهد ..

عبير / وربي مو عارفه افكر أصلآ .. ياربي وش قاعد يصير ياربي طلبتك ارحمني

مشعل / اذكري الله .. وصلي على النبي .. وش فيك ابيك توقفين بجنبي .. تجين تزيدين همي
عبير .. خلاص .. لاتخليني اندم اني قلت لك ..

عبير / مشعل .. الحين تروح تجيب .. فهد ابي اشووفه .. الحين ..
بأي شكل من الأشكال

مشعل / ليش وش ناويه عليه ..

عبير / مشعل .. تكفى طلبتك .. روح جيبه وبس وبتعرف بعدين

مشعل / انا رآيح للشقه .. وبقوله وبجيك انا ويآه

عبير / رآح انتظركم .. باي

مشعل / باي

مشعل .. يوصل للشقه .. شباب .. وين فهد ..
بالغرفه .. جى ولاكلمنا .. دخل غرفته .. وقفل عليه
مشعل .. يدق عليه .. فهد فهد .. فهد انت صاحي ..

فهد / مشعل خلني بحالي ..

مشعل / افتح ابيك بموضوع ..ضروري .. بليز افتح ابيك

فهد / اي موضوع .. راح يكون ضروري هالحزه

مشعل / افتح وراح تعرف بنفسك ..

فهد / يقوم يفتح .. خير وش فيه وش هالموضوع

مشعل / قوم البس .. بروح انا وياك لعبير .. كلمتني .. وقالت تبي تشوفك الحين

فهد / ايش .. من جدك والله ..

مشعل / مو وقت مزح .. اي من جدي .. بسرعه البس خلنا نروح لها

فهد / خلاص اسبقني للسياره وجايك

مشعل / انتظرك بالسياره

فهد .. يلبس .. وينزل بسرعه .. يركب مع مشعل
مشعل .. قولي وش صاير .. وش السالفه

مشعل / ابد عبير دقت علي وقالت انها مشتاقه تشوفك .. وتبيك تجيها تشوفك

فهد / وليه مادقت علي ..

مشعل / يمكن خافت ماترد عليها .. وبعدين تبيها مفآجأه

فهد / أها .. يالله اهم شيء تكون بخير

مشعل / ابد مافيها الا كل خير ..

فهد / مشعل نفسي أسألك سؤال .. بس ماني عارف شلون اقوله

مشعل / قول خذ رآحتك ..

فهد / ليش مهتم فيني انا وعبير وناسي من نفسك .. ومتعب حالك معانا .. رغم انك مو لاقي من ورانا الا التعب والهم ...؟

مشعل / فهد انت اخ وعزيز وغالي . واللي بيني وبينك مو صداقه .. ولا اخوه .. اللي بينا .. عشرة عمر وعيش وملح .. ووقفت معي ومع الشباب .. ولاقصرت بشيء .. يعني فضلك على الجميع

شلون ماتبيني اهتم فيك .. وعبير .. انسانه تهمك اكيد انها بتهمني .. يعني لاتفكر كثير

انا ماقاعد اسوي شيء .. لان كل هذا .. اللي اسويه .. كله لأخوي .. لانك فعلا اخوي

فهد / ماني عارف وش اقولك .. بس وربي ان تعبتك معي .. ولاني عارف شلون ارد لك معروفك

مشعل / ماسويت شيء .. ولاترد لي شيء .. وبعدين وصلنا للمستشفى .. والموضوع انساه .. اهم شيء فرفش ..

فهد / اوكيه .. خلنا ننزل .. ويصير خير بعدين

يوصلون المستشفى .. ينزلون .. وينسقون مع الاستعلامات .. للدخول .. للعبير
يطلعون .. الدور الثالث .. رقم الغرفه .. 4 .. فهد يدق الباب ..

عبير / تفضلوا .. حياكم

فهد / مشعل .. ادخل .. امش ياخي ..

مشعل / لاتدف ..

السلام عليكم .. سلامات .. سلامات .. ماتشوفين شر .. اووف .. نسينا والله ..
كله منك يافهد .. نسينا نجيب لك اقل شيء باقة ورد .. بنزل اجيبه وراجع لكم

عبير / تعال تعال .. مو لازم شوفتكم .. تكفي ..

فهد / وكل شيء على راس فهد .. يعني ماني خالص منك حتى في الورد

مشعل / امزح ياخي وش فيك ..

فهد / خلاص .. عرفنا .. عبير وش اخبارك .. والحمد لله على السلامه

عبير / الله يسلم عمرك .. وشوفتك هي دواي

فهد / وش فيك مغطيه وجهك ..

عبير / ومشعل مو عاجبك ..

فهد / احم .. سوري نسيت منه .. مشعل .. روح جيب ورد ترى يكون احسن

مشعل / معصي قاعد على قلبك ..

فهد / يناظره بنص عين .. .. بعدين اشوف شغلك ..

مشعل / وتهدد بعد .. والا اقولك بطلع بكرامتي قبل انطرد

عبير / مشعل وش فيك .. فهد يمزح .. خلك

مشعل / بنزل تحت .. اجيب مويه وارجع لكم .. يأشر لعبير تفتح الموضوع لفهد ..

عبير / اوكيه خذ رآحتك

يطلع مشعل من الغرفه .. وينط فهد جنب عبير ..

فهد / وش أخبارك ياقلبي .. بشريني عساك احسن الحين

عبير / بخير ياقلبي .. دامك بخير

فهد / يعني مو زعلانه مني ..

عبير / ازعل من الناس كلها ولا ازعل عليك ياقلبي ..
بس عندي طلب .. وابيك تلبيه لي ..

فهد / عيوني لك .. آمري ..

عبير / مهما كان ..

فهد / قولي ياقلبي .. لو تبين عمري كله فدى رآسك

عبير / قبل اطلب الطلب .. بقولك على شغله .. بس ابيك تستوعب كلآمي زين .. وتفهمني
وبعدها بطلب منك الطلب .. اتفقنا

فهد / اتفقنا






رآح نـشـوف .. وش ..صـآر .. فـي الـجـزء الـثـآنـي عـشـر

لا تبخلو بردودكم

والله مني فاااضي اقرى كل ذه


بس حلو منك

عبير / فهد .. ابيك تنسى اي شيء صار بيني وبينك من مشاكل .. وزعل وكل شيء
ونبي نفتح صفحه جديده .. وراح اكون معك .. حتى لو تسووي ماتسووي

فهد / عبير .. وش السالفه بدون مقدمات .. قولي

عبير / بقولك .. اليوم مشعل .. جاه اتصال من مستشفى الدمام العام
يسألون عنك .. ويبونك ( تسكت )

فهد / يبوني انا ويسألون عني .. ليش ..؟

عبير / بصوت منخفض .. ( ياربي شلون اقوله ).. قلبي .. مدري اسأل مشعل

فهد / عبير وش السالفه .. وش اللي قالوه لمشعل .. وليش سألون عني انا بالذات

عبير / مدري ليش مشعل تأخر ..

فهد / مشعل الحين نزل .. شلون تأخر .. قولي عبير وش صاير

عبير / فهد .. وش اقول .. كلموا مشعل وقالوا له ..

فهد / وش قالوا له .. وليش فتحتي الموضوع

عبير / ماعرف وش قالوا .. بس حبيت اعلمك

فهد / عبير .. ليش فتحتي الموضوع دامك ماتعرفين وش قالوا له اصلآ

عبير / فهد .. واللي يرحم والديك وش فيك رووق .. مو صاير شيء ..
بعدين ماتفقنا على كذا .. انا قلت روق لأني ابي اطلبك طلب ..

فهد / وانا قلت شيء الحين . جايتني بكلام ومستشفى .. وش دخله بالطلب
( يدخل مشعل .. )

عبير / ربي جابك .. وش فيك تأخرت ..

مشعل / تأخرت .. ( مستغرب ) شكل الموضوع مازل قيد الإنتظار

عبير / ايه ..

فهد / هيه هيه .. وش الألغاز هذي وش السالفه .. بتقولون والا شلون
وربي بطلع .. وبروح للمستشفى .. واشوف السالفه بنفسي ..علموني
فيه احد من اهلي .. من اقاربي صاير عليه شيء

مشعل / لا لا .. ياخي مافيهم الا العافيه .. بقولك بقولك .. المشكله
اني اعتمدت على ناس .. ماقدروا يسوون شيء .. فهد اسمعني فديتك

فهد / قوول وربي حرقتوا اعصابي ..

مشعل / فهد مستشفى الدمام العام .. اتصلوا علي اليوم .. ويسألوني من اسمك
المهم قلت لهم اني اعرف صاحب الاسم .. وقلت لهم ليش وش تبون فيه
وقالوا .. انك مصاب بفيرووس .. بالدم

فهد / انا مصاب بفيرووس بالدم .. ( يضحك ) شلون فيروس

مشعل / فيروس بالدم وخلاص .. وقالوا انك تجيهم لجل يقدرون يكافحون .. الفيروس قبل ينتشر
هذا كل الموضوع ..





(يـتـبـع )

فهد / الحين الموضوع جد .. والا فيه مقلب .. والا وش السالفه

مشعل / الشغلات هذي مافيها مزح .. وفعلا جاني اتصال من المستشفى .. وبكره لازم نروح لهم
اقل شيء نعرف وش راح يسوون .. او وش المطلووب

فهد / ماني مصدق اللي قاعدين تقولونه .. شلون كذاا ابي افهم .. ( يتكلم بخووف )

عبير / قلبي .. الموضوع بسيط .. والفيروس .. هذا لازم تتعالج منه .. لجل صحتك لاتتدهور

مشعل / فهد .. بكره نروح لهم ونشووف .. وش يقولون .. لاتستعجل ..

فهد / انا ماراح اصبر لبكره .. الحين رايح .. ( يقوم من مكانه )

عبير / فهد .. ماتبي تسمع طلبي ..

فهد / عبير .. وقت طلب والا وشوو وقته

عبير / ايه وقت طلب .. وابيك تسمعه قبل ترووح .. واذا مالبيت طلبي .. وربي اللي بيننا راح ينتهي

فهد / وش الطلب هذا اللي بيفرق بيننا ..

عبير / راح تلبيه او لا

فهد / ابشري .. قولي بس

عبير / ابيك توعدني .. وعد رجال انك تلبيه لي

فهد / وعد رجال البيه لو على رووحي ..

عبير / ابيك تروح للمستشفى الحين دامك مصمم .. وتشوف وش راح يقولون لك
واذا قالوا الموضوع فيه علاج وتتنوم بالمستشفى .. تآخذ كل التقارير من عندهم
والفحوصات .. وتطلع وترفض اي شيء راح يسوونه لك

مشعل / يقاطع عبير .. عبير عبير وش فيك وش تقولين انتي مهبوله ..

عبير / مشعل خلني اكمل كلامي .. فهد .. تسوي مثل ماقلت لك .. واذا خذيت
كل الاوراق .. تجي عندي هنا .. ولاتروح اي مكان ثاني .. وبعدها .. بتعرف طلبي

فهد / عبير قوليه الحين .. وانا قلت لك راح البيه مهما كان ..

عبير / فهد انا ماراح اقولك الين أتأكد انك تسوي اللي اقولك عليه .. وبعدها راح تعرف كل شيء

فهد / عبير انتي عارفه ماحب افكر كثير .. ولكن ابشري .. اروح لهم .. وبعدها برجع عليك ..

عبير / مشعل روح معاه .. وانتبه عليه .. وراح تفهمون كل شيء .. بس روحوا وخلصوا اللي قلت لكم عليه

مشعل / عبير رغم اني مافهمت شيء .. بس ابشري .. فهد .. مشينا

فهد / عبير انتبهي على نفسك ..

عبير / لاتخاف علي .. انتبهوا على حالكم

مشعل / مع السلامه ..

عبير / الله معكم ..


.. يطلع فهد ومشعل .. رايحين للمستشفى ..






( يـتـبـع )

عبير / تآخذ جوالها .. تتصل على سكرتيرتها .. الو منال .. وينك

منال / بالشركه .. آمري ياطويلة العمر ..

عبير / الحين .. تتصلين على الخطوط .. وتحجزين مقعدين .. على اول رحله بكره على بريطانيا
او المانيآ .. او نيويورك .. شوفي اللي تقدرين تأكدين الحجز عليه .. حتى لو درجه اولى
حتى لو المبلغ مليون .. مايهم .. المهم الحجز بعد ساعه يكون متأكد .. بإسم فهد .. ومشعل
وبعدها .. تروحين للمحاسب .. يعطيك شيك .. بإسم مشعل بمبلغ (100000) مائة الف ريال
كل هذا ابيه في ظرف ساعه . وبعدها بكلمك .. وابي كل شيء جاهز ..

منال / ابشري طال عمرك .. مايهمك ..

عبير / منال .. نسيت اقولك .. تتصلين .. على افضل المستشفيات في الدول اللي قلت لك ..
وتحجزين سرير . بإسم فهد .. اذا قالوا وش يعاني منه .. قولي لهم .. فيروس سرطاني بالدم


منال / ابشري .. انشاء الله كلها بتكون جاهزه

عبير / الله يقويك .. مع السلامه

فهد .. ومشعل .. رايحين للمستشفى .. وكل واحد ساكت .. مايبي يقول شيء

فهد / مشعل .. ليش ساكت .. تراني على اعصابي

مشعل / وش اقول ..

فهد / ياخي سولف .. قول اي شيء لاتوترني زياده

مشعل / فهد .. مابي اوترك .. بس قاعد افكر في شغله في بالي مشغلتني

فهد / ليش صاير معك شيء .. قولي

مشعل / حتى لو صاير معي شيء .. ماراح اقولك .. اللي عندك مكفيك
( حتى وانت بالظروف هذي تفكر فيني يافهد .. يتكلم بصوت واطي )

فهد / انا اخوك .. اذا محتاج شيء .. او صاير شيء علمني ..

مشعل / خلنا نخلص من المستشفى وبعدها بقولك كل شيء ..

فهد / وليش مو الحين ..

مشعل / فهد والله ماودي اقول شيء .. خلني على راحتي

فهد / خلاص بكيفك .. لكن تأكد اني اخووك ..

مشعل / انا واثق من هالشيء ..


يوصلون للمستشفى .. يتجهون للإستعلامات .. سلام عليكم







(يـتـبـع )

الموظف / عليكم السلام .. آمروا

مشعل / جيتك اليوم استفسر عن فهد عبدالله .. وعن الإتصال

الموظف / ايه .. حصلتوه ..

مشعل / هذا هو قدامك .. اتمنى تخلصون اجراءاتنا . بسرعه

الموظف / ابشروا .. الحين .. استريحوا ..استريحوا
يقوم الموظف من مكانه . يروح للقسم الأورام ..
شباب .. الولد اللي قاعدين تدورون عليه .. اللي اسمه فهد ..اللي فيه فيروس
موجود عندي .. هناك في الإستعلامات

موظفي قسم الأورام / والله .. انت من جدك

الموظف / وش فيكم اي والله .. بس على الله يطلع نفسه

موظف قسم الأورام / والله اذا كان هو .. من حضنا .. ياخي وربي بنروح فيها اذا مو نفسه
سنه كامله .. والمسكين مصاب بالفيروس .. ولا احد عطاه خبر .. ولا احد اهتم فيه
اقل شيء .. ودي ان فيه شخص عطاه خبر لجل يتصرف .. بس على الله ماحد يكتشف السالفه

الموظف / ياخي .. روحوا للولد .. وتصرفوا معاه .. قبل يروح .. وش فيكم انتوا

موظف قسم الأورام / خلاص روح بجيك ..

الموظف / يرجع للإستعلامات .. ( آسف تأخرت عليكم )

مشعل / لا عادي .. اهم شيء تخلصون اجراءاتنا .. بسرعه

الموظف / ابشر .. مايهمك . هذاك موظف القسم جى ..

موظف قسم الأورام / سلام عليكم .. كيف حالكم ياشباب .. ( يسلم على فهد ومشعل )

مشعل .. فهد / عليكم السلام .. هلا فيك اخووي ..

موظف قسم الأورام ( سلطان ) / اول شيء اهنيكم على شجاعتكم .. واهتمامكم الكبير بالموضوع
بالذات الأخ مشعل .. اللي تعاون معنا كثير

فهد / اخوي . وش الاسم الكريم ..

سلطان / انا اسمي سلطان .. موظف في قسم الأورام ..

فهد / اخوي سلطان .. بدون مقدمات .. انا نفسي قصير ماحب المقدمات .. من الآخر لو سمحت

سلطان / ابشر ابشر .. الموضوع ومافيه .. انك يا أخ فهد .. مصاب بفيروس سرطاني بالدم
ولا اكتشفنا هالموضوع الا من كم يوم .. طبعا .. الخطى موخطانا .. الخطى .. كان
الممرضين . اللي خذوا منك عينه وقت انت جيتنا مغمى عليك من الحادث .. ولكن الأمل بالله كبير
وعيال الحلال كثير .. وحبينا نساعدك .. ونوقف معك .. وراح يتكفل المستشفى بعلاجك على حسابه
مراعاه لحالتك .. وتقدير للخطا الي صار من ممرضين سابقين .. هم سبب اللي صار .. هذا كل الموضوع

فهد / هذا انا موجود .. وش المطلوب مني .. او وش الإجراءات اللي بتسوونها لي ..

سلطان / الحين بندخلك .. قسم الأورام .. ونآخذ عينه للدم .. ونسوي فحوصات كامله .. لجل نتأكد
من عدم انتشآر الفيروس .. وبعدها . نشوف وش يصير

فهد / اوكيه .. الحين .. وبأسرع وقت .. اذا ممكن

سلطان / مشينا .. بالله ياسعد ( موظف الإستعلامات ) كلمهم يجهزون غرفة الفحوصات

الموظف ( سعد ) / ابشر ابشر ..


فهد / مشعل .. اذا تبي تروح واذا خلصت بكلمك ..

مشعل / ماراح اروح رجلي على رجلك .. الين نشووف .. وش آخرتها مع هالإهمال

سعد / يناظربنص عين على مشعل ..

سلطان / ينزل رآسه ( الله يستر ) .. شباب .. بالله بلغوا الممرضين .. يدخلون فهد
غرفة الفحوصات .. ويسوون له جميع الإجراءات .. وبأسرع وقت ..
سلطان .. يدخل على زملائه .. بالقسم .. ( اووف .. شكل الموضوع ماراح يمر بسهوله )

الموظفين / ليش وش فيك ..





(يـتـبـع )

سلطان / هذا اللي اسمه مشعل .. قبل شووي يقول .. خلنا نشوف وش آخرة هالإهمال ..
يعني .. اي ملاحظه او غلطه راح نروح فيها .. بليز ياشباب .. حاولوا بقدر ماتقدروون
تمشوون الموضوع .. الين نخلص ونشوف لنا حل ..


الموظفين / الله يستر بس الله يعدي هاليوم على خير ..


سلطان / يدخل على فهد .. هاه فهد كيف الأمور معاك .. والنفسيات ..انشاء الله تمام


فهد / ماعليه .. اهم شيء خل هالممرضين يستعجلون .. لأني على اعصابي .. ومتوتر
ولا اقدر اتحمل اكثر من كذاا


سلطان / ابشر .. مايصير خاطرك الا ..


مشعل / ( في غرفة الإنتظار .. يدق جواله ) .. الو .. هلا


عبير / مشعل .. وين فهد .. وش صار معكم ..


مشعل / عبير .. لاتخافين .. فهد بغرفة الفحوصات .. قاعدين يسوون له فحوصات ..
وانشاء الله كل شيء تمام ..


عبير / اوكيه .. طمني عليكم اول بأول ..


مشعل / عبير .. قولي لي وش سالفة التقارير .. وطلوع فهد .. فهميني ممكن


عبير / مشعل .. انا كنت واثقه انك بتفهمها زهي طايره .. ولكن ابيه يآخذ تقارير ..
ويطلع .. ورآح ارسله لأفضل مستشفى بالعالم واعالجه هناك على حسابي ..
لأن اللي ماكتشفوا هالمرض الا بعد سنه .. ماراح يسوون شيء .. بس


مشعل / عبير .. خلينا نجرب اول شيء .. رغم اني متأكد ماراح يكونوا افضل


عبير / مشعل .. انا.. ماسويت هالشيء .. الا لأن مافيه اغلى من فهد
وراح اسوي اللي اقدر عليه علشان اسعده


مشعل / الله يعطيك على قد نياتك .. اوكيه .. ماطول عليك .. بدق عليك اذا صار شيء


عبير / تسلم .. مع السلامه


عبير / تتصل .. على السكرتيره .... ( منال وش صار معك )


منال / طال عمرك .. الحجوزات .. حجزت على نيويورك .. بكره الساعه 6 المغرب .. من مطآر الدمام
الى مطار الرياض .. الى نيويورك .. بالنسبه للشيك جاهز .. وموجود عندي ..
وبالنسبه للمستشفى .. حجزت
في مستشفى .. توآم .. افضل مستشفى لعلاج الفيروسات والأورام الخبيثه.. واشترطوا يكون الحجز بمبلغ الفين ريال .. لليوم
الواحد .. واذا وصل المريض .. يكون بألف ريال لليوم الواحد خلال تواجده للعلاج .. هذا غير التكاليف الأخرى ..


عبير / حجزتي والا باقي ..


منال / ايه حجزت .. وخلصت كل شيء .. لأني عارفه .. ان الموضوع يخص فهد .. وفهد عزيز علينا


عبير / منال الموضوع لايدري عنه احد .. والله يعطيك العافيه .. مع السلامه


عبير / تتصل على مشعل .. الو مشعل .. كيفك


مشعل / بخير .. وش فيك


عبير / خلاص .. الحجوزات جاهزه والمستشفى حجزنا فيه سرير .. وكل شيء جاهز لبكره .. لكم اثنينكم







(يـتـبـع )

مشعل / علميني .. اي حجز .. وانا وش دخلني

عبير / انت المرافق .. ولا راح اتكل الا على الله ثم عليك

مشعل / عبير .. ودوامي .. واهلي .. وش اقول لهم

عبير / مشعل .. دوامك .. اذا قدروا وضعك .. او لاتعطيهم بال .. وظيفتك عندي بزياده الفين على راتبك واهلك عطهم خبر وقول لهم السالفه .. ولا راح يقولون شيء .

مشعل / وين السفر وأي مستشفى .. ومتى اصلآ

عبير / الرحله بكره الساعه 6 المغرب من الدمام للرياض .. لنيويورك .. حجوزاتكم جاهزه
في الفندق .. والسايق .. والمستشفى .. طبعآ المستشفى .. اسمه توآم .. افضل مستشفى
لعلاج الأورام .. والفيروسات .. وفيه شيك بإسمك .. بكره تصرفه وتحطه بحسابك ..
وراح اكون معك في كل لحظه .. واي شيء تحتاجونه عطني خبر ..

مشعل / ماراح اقول .. الا الله يجزاك الف خير .. ويعطيك على قد نيتك

عبير / بكلمك بعدين بآي

مشعل / بآي .. ( يروح للموظفين .. يآخي مرت اكثر من ساعه ونص ولا خلصتوا )
وبعدين وش صار ..

سلطان / اخوي .. سوينا جميع الفحوصات .. وحصلنا الفيروس انتشر في رجوله ..
وحنا خايفين .. نظطر نبتر رجوله .. اذا مافاد فيه العلاج ..

مشعل / اقوول .. ابيك الحين تسوي لي تقرير بالكلام هذاا .. وبحالته .. ووضعه
وكل شيء .. والا وربي ان اقلب هالمستشفى على روسكم .. انت انسآن انت

انتوا كلكم .. فيكم دم .. او احسآس ( بعصبيه ) انتوا آوادم
مسوين اللي مسووين .. وباقي تقول يمكن نبتر رجوله .. بأي منطق ..

وليش اصلآ وصل للمرحله هذي .. من وصله .. كيف الفيروس ماينكشف الا بعد سنه
ابي افهم .. انتوا .. في عمل .. او في ملاهي تجوون تلعبون وتروحون ..

ماتهتمون لأرواح الناس .. ماتهتمون للعالم .. والا بس آخر الشهر فلوس
ياخي حلل راتبك .. خل عندك ذمه وضمير .. خل عندك ايمان برب العباد


ان اي عمل لابد تتقنه .. شوفوا .. الحين ينكتب تقرير.. بالوضع كامل .. وبالتفصيل
والا وربي .. ماوقف الا في الأماره ..










( يـتـبـع )

سلطان / مشعل .. ابشر مايصير خآطرك .. الا .. بس عطنا دقايق نخلص لك اللي تبي

مشعل / يدخل على فهد .. فهد شلونك الحين ..

فهد / مافيني الا العافيه .. بس وش صار معك انت وهذولا .. اسمع صوتك من هنا ليش تصارخ

مشعل / بقولك بعدين .. قوم الحين والبس ملابسك .. وتعال .. خلنا نخلص .. اوراقنا .. نبي نلحق
نروح لعبير .. ونطمنها

فهد / اوكيه روح قدامي وبجيك ..

مشعل / يدخل غرفة الموظفين .. يجلس على الكرسي .. ( الموظفين ساكتين )

فهد / يدخل .. الغرفه .. هاه خلصوا هذولا ..

مشعل / تعال اجلس .. راح يخلصون الحين

سلطان / تفضلوا .. هذا التقرير كامل بالفحوصات .. بكل شيء

مشعل / اوكيه مشكوور .. رغم اني متأكد ماتستاهلها .. مشينا فهد

فهد / مشينا

يركبون السياره ..

فهد / مشعل .. اول مره اشوفك بالأسلوب هذاا .. وش فيك

مشعل / مافيني شيء بس .. رفعوا ظغطي .. اهمال حتى في حيات الناس
لاتهتم .. الحين بنروح لعبير .. لأنها قالت نجيها على طول اذا خلصنا ..وراح ادق عليها اعلمها
ان حنا جايينها ..

مشعل / الو.. عبير ..

عبير / هلا مشعل ..

مشعل / حنا بالطريق جايينك .. وكل شيء معنا

عبير / اوكيه بإنتظاركم ..

مشعل / بآي

يوصلـون .. لمستشفى سعد الطبي ..
يدخلون .. على عبير ..

عبير / هاه وش صارمعكم ..

مشعل / ابد سوينا . كل اللي قلتي عليه .. وهذي التقارير معنا والفحوصات ..

عبير / وش فيك فهد .. ليش ساكت .. ليش وجهك باهت ..فيك شيء ياقلبي

فهد / مافيني شيء .. ابي اسمع الطلب .. الحين بدون أي تأجيل

عبير / ابشر ياقلبي بقوله .. بس قولي انت اكلت شيء من الصبح .. شكلك مو ماكل شيء

فهد / لا والله ما أكلت شيء .. بس مو مهم .. ابي اعرف وش طلبك

عبير / مشعل .. روح جيب لك اكل انت وفهد .. واللي يسلمك

مشعل / ابشري مايهمك .. يطلع مشعل من الغرفه ..

فهد / عبير .. قولي وش طلبك

عبير / طلبي ياقلبي .. ..... .. .... ..




رآح نـشــــوف وش طـلـب .. عـبـيــر .. لـفـهــد في الجـزء الثالـث عــشــر

وبعدين ايش الي صار تعبت وأنا أقرأ بس بصراحة رهيييييييييبة

شوقتنا

والله لو تعطيني مليوون ماقريت هذا كله

ههههههههههه لنا سنة نستنا الجزء 14